మైండ్ గేమ్ ఆడుతున్న కోలీవుడ్ హీరో..

దిశ, సినిమా: ‘వరుణ్ డాక్టర్’ తెలుగు ప్రేక్షకులను ఖచ్చితంగా నచ్చుతుందన్నారు హీరో శివ కార్తికేయన్. నెల్సన్ దిలీప్ కుమార్ దర్శకత్వంలో తెరకెక్కిన సినిమా కోలీవుడ్‌లో ‘డాక్టర్’గా రిలీజ్ అవుతుండగా.. టాలీవుడ్‌లో ‘వరుణ్ డాక్టర్‌’గా వస్తున్నట్లు తెలిపారు. ఒక ఆర్మీ డాక్టర్.. సొంతూరి కోసం ఏం చేశాడు? ఎందుకు చేశాడు? ఇతర డాక్టర్లకు తనకు ఉన్న తేడా ఏంటి? అనేది సినిమా చూస్తేనే తెలుస్తుందన్నారు. తన చుట్టూ ఉన్న పాత్రలు కామెడీ చేసినా.. తను మాత్రం ఎమోషన్స్ హైడ్ చేసుకుంటూ ఉండాల్సిన క్యారెక్టర్ అని, ఇలాంటి చాలెంజింగ్ రోల్ చేయడం హ్యాపీగా ఉందన్నారు.

ఈ యాక్షన్ అండ్ థ్రిల్లర్ ఎంటర్‌టైనర్‌లో హీరో, విలన్ మధ్య ఫిజికల్‌ ఫైట్‌ కాకుండా మైండ్ గేమ్ ఉంటుందని వివరించాడు. తమిళ్ వెర్షన్‌లో అనుకోకుండా రెండు పాటలు రాశానన్న ఆయన.. త్వరలో స్ట్రెయిట్ తెలుగు సినిమా చేస్తున్నానని, మేకర్స్ ఆ విషయం గురించి అఫిషియల్‌గా అనౌన్స్ చేస్తారని తెలిపాడు. ఇక స్ట్రెయిట్ మూవీ చేసేందుకు హీరోయిన్స్‌ను ఇన్‌స్పిరేషన్‌గా తీసుకున్నట్లు చెప్పాడు. వారు ఒకరోజు చెన్నైలో ఉంటే మరో రోజు హైదరాబాద్, ముంబైలో షూటింగ్‌కు అటెండ్ అవుతారని, తను కూడా అలా కష్టపడేందుకు సిద్ధంగా ఉన్నానని వెల్లడించాడు.