ఆర్యలో సుస్మితా అదుర్స్!

బాలీవుడ్ హీరోయిన్ సుస్మితా సేన్.. చాలా గ్యాప్ తర్వాత ఆర్య సిరీస్‌తో ప్రేక్షకులను పలకరించింది. తన అద్భుత నటనకు సల్మాన్ ఖాన్, తాప్సీ లాంటి స్టార్స్ ఇప్పటికే అభినందించగా.. తాజాగా శిల్పా శెట్టి సైతం సుస్మితపై ప్రశంసల వర్షం కురిపించింది.

సుస్మితా సేన్‌ను మళ్లీ తెరపై చూడటం చాలా ఆనందంగా ఉందని చెప్పింది. సిరీస్‌లోని ప్రతీ ఫ్రేమ్‌లో, ప్రతీ బిట్‌లో సుస్మితా యాక్టింగ్ అదిరిపోయిందని కితాబిచ్చింది. ఇన్నాళ్లూ తనను స్క్రీన్‌పై మిస్ అయినట్లు తెలిపింది. తన పనితీరు, ఆత్మ విశ్వాసం, ప్రతీ అడ్డంకిని తొలగించుకుని ముందుకు సాగే బలం, స్వచ్ఛమైన ప్రేమ చాలా గొప్పవన్న శిల్ప.. ఇలాంటి సక్సెస్‌లు మరెన్నో చూడాలని కోరుకుంటున్నట్లు చెప్పింది. వాటన్నింటికీ కూడా సుస్మిత అర్హురాలని, తనను ఆడ పులితో పోల్చుతూ.. ఆల్ ది బెస్ట్ తెలిపింది.

https://www.instagram.com/p/CB-YIwmBYa6/?igshid=1dnxyfg8qwrz2