ఇచ్చిన మాటకు కట్టుబడ్డారు..

దిశ, వెడ్ డెస్క్: వైఎస్ జగన్ పాదయాత్ర ప్రారంభించి రేపటికి మూడేండ్లు అవుతుందని ఏపీ ప్రభుత్వ సలహాదారు సజ్జల రామకృష్ణా రెడ్డి అన్నారు. ప్రజల్లో నాడు.. ప్రజల కోసం నేడు పేరిట పార్టీ కార్యక్రమాలను నిర్వహించనున్నట్టు తెలిపారు. ప్రజల కష్టాలను దగ్గర నుంచి వైఎస్ జగన్ చూశారని ఆయన అన్నారు. పాదయాత్రలో ఇచ్చిన హామీల్లో 90 శాతం సీఎం జగన్ నెరవేర్చారని ఆయన తెలిపారు. రాజకీయాల్లో చెప్పిన మాటకు కట్టుబడి ఉండటం గొప్ప విషయమని ఆయన తెలిపారు. విశ్వసనీయతకు కట్టుబడి సీఎం జగన్ పాలన సాగిస్తున్నారని ఆయన తెలిపారు. గత ప్రభుత్వం ఊహకందని అప్పులను మిగిల్చి వెల్లిందని అన్నారు. కరోనాతో ఆర్థిక వ్యవస్థ తలకిందులైందనీ అన్నారు. దేశంలో ఎక్కడా లేని సంక్షేమ కార్యక్రమాలను సీఎం అమలు చేస్తున్నారని ఆయన తెలిపారు. రేపటి నుంచి 10 రోజుల పాటు పార్టీ కార్యక్రమాలను నిర్వహిస్తామని తెలిపారు.