ఆయన అక్కడికక్కడే మృతి చెందాడు

దిశ, రంగారెడ్డి: రంగారెడ్డి జిల్లా షాద్ నగర్ నియోజకవర్గ పరిధిలోని కొందుర్గ్ మండలం శ్రీరంగాపూర్ వద్ద మంగళవారం రోడ్డు ప్రమాదం జరిగింది. పరిగి నుంచి షాద్ నగర్ వైపు వెళ్తున్న కారును కంటైనర్ ఢీ కొట్టింది. ఈ ప్రమాదంలో కారు డ్రైవర్ అక్కడికక్కడే మృతి చెందాడు. మరొకరికి తీవ్ర గాయాలయ్యాయి. విషయం తెలుసుకుని ఘటనా స్థలికి చేరుకున్న పోలీసులు.. మృతుడు కడుమురు గ్రామానికి చెందిన సురేష్ రెడ్డిగా, గాయాలైన వ్యక్తి అఖిల్ రెడ్డిగా గుర్తించారు. అనంతరం కేసు నమోదు చేసుకుని క్షతగాత్రుడిని ఆసుపత్రికి తరలించారు. మద్యం మత్తు కారణంగా ఈ ప్రమాదం జరిగినట్లు సమాచారం.