సంచలనం రేపుతోన్న జడేజా ట్వీట్.. తలలు పట్టుకున్న నెటిజన్లు

దిశ, వెబ్‌డెస్క్: జడ్డూ.. టీమిండియాలో‌ ఈ పేరు‌ ఓ సంచలనం. పీకల్లోతు కష్టాల్లో ఉన్న జట్టు‌ను గెలిపించడంలో రవీంద్ర జడేజా‌‌ చాలా సార్లు తన ప్రతిభను ప్రదర్శించాడు. ఇలా ఎంతో మంది అభిమానులకు దగ్గరయ్యారు. కానీ, రవీంద్ర జడేజా సోషల్ మీడియాలో పెట్టిన ఓ పోస్టు నెటిజన్లకు పజిల్‌గా మారింది. ఎవరిని ఉద్దేశించి ఈ ట్వీట్ చేశాడు అంటూ ఆయన అభిమానులు తలలు పట్టుకుంటున్నారు.

‘నిజమైన స్నేహితులు నిన్ను మాత్రమే నమ్ముతారు.. ఫేక్ ఫ్రెండ్స్ రూమర్స్‌ను నమ్ముతారు’ అంటూ జడ్డూ చేసిన ట్వీట్ సంచలనం రేపుతోంది. ఈ ట్వీట్ చూసిన నెటిజన్లు వందల ప్రశ్నలు వేస్తున్నారు. బీసీసీఐకి వ్యతిరేకంగా పెట్టాడని కొందరు.. కోహ్లీకి మద్దతు ఇచ్చారని మరి కొందరు.. టెస్టు క్రికెట్ నుంచి తప్పుకుంటున్నాడా అని ఇంకొందరు ట్వీట్‌ల మీద ట్వీట్‌లు చేస్తున్నారు. కానీ, నెటిజన్ల ట్వీట్‌లకు జడ్డూ నుంచి ఎటువంటి ప్రతిస్పందన రాలేదు.