చెర్రీ డ్రీమ్ రోల్!

దిశ, వెబ్‌డెస్క్: ప్రతీ కళాకారుడికి ఓ కల ఉంటుంది. అలాంటి పాత్ర చేస్తే బాగుంటుంది.. ఆ కథ తనకు చాలా యాప్ట్ అవుతుంది.. కచ్చితంగా హిట్ కొట్టి తీరుతామని అనుకుంటారు. ఒకరు బోల్డ్ క్యారెక్టర్‌లో కనిపించాలని అనుకుంటే.. మరొకరు సాప్ట్ రోల్ అయితే బాగుంటుందని అనుకుంటారు. ఒకరు దేవత పాత్ర చేయాలనుకుంటే.. మరొకరు ఘోస్ట్‌గా మారి తెరపై భయపెట్టాలని కలలు కంటారు. కొందరు కామెడీ జోనర్ ఇష్టపడితే.. మరికొందరు యాక్షన్ థ్రిల్లర్ చేయాలని ఆశపడతారు. మరి మెగా పవర్‌స్టార్ రామ్ చరణ్ తేజ్ డ్రీమ్ రోల్ ఏంటంటే? స్పోర్ట్స్ డ్రామాలో నటించడం.

తాజాగా ఓ ఇంటర్వ్యూలో ఇదే విషయాన్ని వెల్లడించిన చెర్రీ.. ఇంతకు ముందు ఇలాంటి సినిమాకు సైన్ చేసినా సెట్స్ మీదకు వెళ్లలేదని చెప్పాడు. ఆర్‌బీ చౌదరి నిర్మాణ సారధ్యంలో ‘మెరుపు’ అనే స్పోర్ట్స్ బ్యాక్ డ్రాప్ సినిమా చేయాలని అనుకున్నాం కానీ, అనివార్య కారణాల వల్ల ఆగిపోయిందని చెప్పాడు. చాన్స్ వస్తే తప్పకుండా అలాంటి సినిమా చేస్తానని చెర్రీ చెప్పగా.. దర్శక, నిర్మాతలు వింటున్నారా?.. త్వరగా స్టోరీ వినిపించి సినిమా సెట్ చేయాలని కోరుతున్నారు మెగా అభిమానులు.