రేపటి నుంచి ‘పుష్ప’ ఫిల్మింగ్

దిశ, వెబ్‌డెస్క్: ఫైనల్‌గా స్టైలిష్ స్టార్ అల్లు అర్జున్ ‘పుష్ప’ సినిమా షూటింగ్ స్టార్ట్ కాబోతుంది. ఎన్నో ఆటంకాలు దాటి చివరగా నవంబర్ 10 నుంచి చిత్రీకరణ ప్రారంభించబోతున్నట్టు మూవీ యూనిట్ వెల్లడించింది. సుకుమార్ దర్శకత్వంలో వస్తున్న ఈ సినిమాను మైత్రీ మూవీ మేకర్స్ నిర్మిస్తుండగా.. తెలుగు, హిందీ, తమిళ్, కన్నడ, మలయాళ భాషల్లో రిలీజ్ కానుంది. ఇందుకు సంబంధించిన వీడియోను విడుదల చేయగా.. బన్నీ ఫ్యాన్స్ హ్యాపీగా ఫీలవుతున్నారు. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ పాన్ ఇండియా మూవీకి రాకింగ్ స్టార్ దేవీశ్రీ ప్రసాద్ సంగీతం అందిస్తుండగా.. రష్మిక మందన హీరోయిన్. కాగా ఈ చిత్రంలో గిరిజన యువతిగా కనిపించనున్న భామ.. క్యారెక్టర్ డిమాండ్ చేయడంతో అందుకు తగిన విధంగా కనిపించేలా వర్కవుట్ చేస్తోంది. ఈ సినిమాలో లారీ డ్రైవర్‌గా కనిపించబోతున్న బన్నీ లుక్ ఇప్పటికే ఆకట్టుకుంది.

ఇక ఈ సినిమా పూర్తికాగానే కొరటాల శివ డైరెక్షన్‌లో తన 21వ మొదలుపెట్టనున్నాడు బన్నీ. యువసుధ ఆర్ట్స్ బ్యానర్‌పై సుధాకర్ మిక్కిలినేని నిర్మించనున్న ఈ సినిమాను 2022లో రిలీజ్‌ చేసేందుకు ప్లాన్ చేసింది మూవీ యూనిట్.