తారక్ నోట 'కుట్టీ స్టోరీ' పాట!

ఇళయ దళపతి విజయ్ ‘మాస్టర్’ సినిమా భారీ ఎక్స్‌‌పెక్టేషన్స్‌తో వచ్చేస్తుంది. విజయ్ సేతుపతి విలన్‌గా నటిస్తుండగా ఈ ప్రాజెక్ట్‌పై ఫుల్ క్రేజ్ వచ్చేసింది. తెరపై ఇద్దరు స్టార్ హీరోల పోరాటాన్ని చూసేందుకు ఉవ్విళ్లూరుతున్నారు ఫ్యాన్స్. సినిమా ఫస్ట్ లుక్‌తోనే హైప్ క్రియేట్ కాగా సినిమా నుంచి వచ్చిన సింగిల్ ట్రాక్ రికార్డ్స్ క్రియేట్ చేసింది.

హీరో విజయ్ పాడిన ‘కుట్టి స్టోరీ’ సాంగ్ యూట్యూబ్ రికార్డ్స్‌ను షేక్ చేసింది. సింపుల్ లిరిక్స్, మెలోడి మ్యూజిక్ అంతకు మించిన విజయ్ స్వీట్ అండ్ బేస్ వాయిస్ … కలిసిన కుట్టీ స్టోరీ సాంగ్ ఖండాంతరవాసులను కూడా స్టెప్పులు వేయిస్తుంది. ఈ మధ్యే మ్యూజిక్ డైరెక్టర్ అనిరుధ్ … చైనాలో ఈ సాంగ్‌ను స్టూడెంట్స్ ఎలా ఎంజాయ్ చేస్తున్నారో వీడియో కూడా షేర్ చేశారు.

ఇదిలా ఉంటే, తమిళ్‌లో విజయ్ పాడిన ఈ పాటను తెలుగులో ఎవరు పడితే బాగుంటుంది? అనుకున్న నిర్మాత ఎస్.ఎం.కోనేరు ఓ నిర్ణయానికి వచ్చాడట. ఇంతగా హిట్ అయిన సాంగ్‌ను యంగ్ టైగర్ ఎన్టీఆర్ పాడితేనే తెలుగు ఆడియన్స్ కనెక్ట్ అవుతారని అనుకున్నాడట. తారక్‌తో ఈ పాట పాడించేందుకు ప్రయత్నిస్తున్నారట. తారక్ ఇంతకు ముందు కూడా తెలుగు, తమిళ్, కన్నడ సినిమాల్లో సాంగ్స్ పాడడంతో ఆ వాయిస్‌కు కనెక్ట్ అయిన నిర్మాత ఈ డెసిషన్ తీసుకున్నారట.