నారా లోకేష్‌కు ప్రొద్దుటూరు ఎమ్మెల్యే సవాల్..

దిశ, వెబ్‌డెస్క్ : ఏపీలో అధికార పార్టీ ఆగడాలను ప్రశ్నించినందుకు సుబ్బయ్య అనే వ్యక్తి దారుణంగా హత్యకు గురైన విషయం తెలిసిందే. ప్రస్తుతం ఈ విషయంపై ప్రతిపక్ష పార్టీ నాయకుడు నారా లోకేష్ వైసీపీని టార్గెట్ చేసి ప్రశ్నలు సంధిస్తున్నారు. ఈ సందర్బంగా ప్రొద్దుటూర్ ఎమ్మెల్యే రాచమల్లు మాట్లాడుతూ.. నాటుసారా అమ్ముకునే సుబ్బయ్య కోసం నారా లోకేష్ రావడం విడ్డూరం అని చెప్పుకొచ్చారు.

ప్రొద్దుటూరు ప్రజల అభిప్రాయాన్ని రెఫరెండంగా తీసుకుందామన్నారు. ఎమ్మెల్యే పదవికి రాజీనామా చేస్తా.. తనపై పోటీ చేసి గెలవాలని రాచమల్లు నారా లోకేష్‌కు సవాల్ విసిరారు. సుబ్బయ్య హత్యతో తనకు వచ్చే ప్రయోజనం ఏమీ లేదని.. ఇది ముమ్మాటికీ శవ రాజకీయమే అని ఆయన ఆరోపించారు.