శేరిలింగంపల్లి జెడ్సీగా ప్రియాంక ఆల

దిశ, శేరిలింగంపల్లి: గ్రేటర్ హైదరాబాద్ మున్సిపల్ కార్పోరేషన్ లోని ఆయా జోన్ ల జెడ్సీలను బదిలీ చేస్తూ ప్రభుత్వం ఉత్తర్వులు జారీ చేసింది. ఇందులో భాగంగా శేరిలింగంప‌ల్లి నూతన జోన‌ల్ క‌మిష‌న‌ర్‌గా ప్రియాంక ఆల‌ (ఐఏఎస్‌) నియ‌మితుల‌య్యారు. జీహెచ్ఎంసీ అడిష‌న‌ల్ క‌మిష‌న‌ర్‌గా బాధ్యతలు నిర్వహిస్తున్న ప్రియాంక‌ను శేరిలింగంప‌ల్లి జోన‌ల్ క‌మిష‌న‌ర్‌గా నియ‌మిస్తూ ప్రభుత్వ ఉత్తర్వులు జారీ అయ్యాయి. ఇప్పటి వరకు ఇక్కడ విధులు నిర్వహిస్తున్న ర‌వికిర‌ణ్ ఖైర‌తాబాద్ జోన‌ల్ క‌మిష‌న‌ర్‌గా బ‌దిలీపై వెళ్లారు. బుధవారం మ‌ధ్యాహ్నం ప్రియాంక ఆల శేరిలింగంప‌ల్లి జెడ్సీగా బాధ్యతలు స్వీక‌రించ‌నున్నారు. 2016 ఐఏఎస్ బ్యాచ్‌ కు చెందిన ప్రియాంక ఆల గ‌తంలో యాదాద్రి భువ‌న‌గిరి జిల్లా స్పెష‌ల్ ఆఫీస‌ర్‌గా విధులు నిర్వహించి జీహెచ్ఎంసీకి అడిష‌న‌ల్ క‌మిష‌న‌ర్‌గా వ‌చ్చారు.