బ్రేకింగ్: తెలంగాణ ఎక్సై‌జ్ శాఖలో భారీగా పోస్టింగులు

దిశ, తెలంగాణ బ్యూరో : రాష్ట్ర ప్రభుత్వ నిర్ణయం మేరకు అన్ని శాఖల తరహాలోనే ఎక్సై‌జ్ శాఖలో కూడా సుమారు వంద మందికి పదోన్నతులు లభించాయి. ఎక్సై‌జ్ సూపరింటెండెంట్, అసిస్టెంట్ సూపరింటెండెంట్, డిప్యూటీ కమిషనర్ లాంటి అనేక హోదాల్లో ఉద్యోగులకు పదోన్నతులు లభించాయి. ఎక్సై‌జ్ శాఖ ప్రమోషనల్ కమిటీ సిఫారసుల మేరకు ఈ పదోన్నతులు జరిగినా పోస్టింగులు మాత్రం ఇవ్వలేదు. ఎట్టకేలకు మూడు నెలల తర్వాత పదోన్నతులకు అనుగుణంగా పోస్టింగులు ఇస్తూ ఉత్తర్వులు జారీ అయ్యాయి. సుమారు 45 మంది ఎక్సై‌జ్ సూపరింటెండెంట్‌లతో కలిపి మొత్తం వంద మందికి ఉత్తర్వులు రావడంతో ఒకటి రెండు రోజుల్లోనే వారు కొత్త స్థానాల్లో విధుల్లో చేరనున్నారు.