పబ్లిక్‌గా మహిళా ఎమ్మెల్యేపై చేయి వేసి అసభ్యంగా ప్రవర్తించిన ఎంపీ (వీడియో)

దిశ, వెబ్‌డెస్క్: రాజకీయాలు మరీ దారుణంగా తయారయ్యాయి. రోజు రోజుకూ దిగజారి వ్యక్తిగత కామెంట్లు చేసుకుంటున్నారు. ఇదిలా ఉండగా.. బీజేపీ ఎంపీ బహిరంగంగా చేసిన ఓ పని తీవ్ర విమర్శలకు తావిస్తోంది. అంతేకాదు.. ఆ వీడియో ప్రస్తుతం సోషల్ మీడియాను కుదిపేస్తోంది. ఉత్తరప్రదేశ్‌లోని అలీగఢ్‌లో జరిగిన ఓ కార్యక్రమంలో బీజేపీ ఎంపీ సతీశ్ గౌతం, ఓ మహిళా ఎమ్మెల్యే పాల్గొన్నారు. వేదికపై ఇద్దరూ పక్క పక్కనే కూర్చున్నారు. ఈ క్రమంలో ఎంపీ గౌతం ఆమెపై చేతులు వేయడంతో ఎమ్మెల్యే ఇబ్బంది పడ్డారు. చేతులు తాకుతూ, భుజంపై చేయి వేస్తూ ఎంపీ వెకిలిగా ప్రవర్తించారు. అనంతరం సీటు మార్చుకొని ఆయన వేరే కుర్చీలో కుర్చుకున్నారు. అక్కడే ఉన్న కొందరు ఈ తతంగాన్ని ఫోన్లలో వీడియోలు తీసి సోషల్ మీడియాలో పోస్టులు పెట్టారు. దీంతో నెటిజన్లు ఎంపీని దారుణంగా ట్రోల్ చేస్తున్నారు.