పోలీస్‌స్టేషన్‌లో ‘మాఫియా డాన్’ పుట్టినరోజు వేడుకలు.. వీడియో వైరల్..!

దిశ, వెబ్‌డెస్క్ : అల్లర్లు, అటెప్ట్ టు మర్డర్ కేసులో అరెస్టు చేయబడిన నేరస్థుడికి పోలీస్‌స్టేషన్‌లో పుట్టిన రోజు వేడుకలు ఘనంగా నిర్వహించారు. కేకు కట్ చేయించడమే కాకుండా స్వయంగా పోలీస్ ఆఫీసర్ (సర్కిల్ ఇన్‌స్పెక్టర్) అతడికి కేకు తినిపించారు. ఆ తతంగాన్ని వీడియో తీసుకోగా అనుకోకుండా అది బీజేపీ నేత, మాజీ ఎంపీ కిరిట్ సోమాయా వద్దకు వెళ్లగా ఆయన ట్విట్టర్‌లో షేర్ చేశారు.

ఈ ఘటన దేశ ఆర్థిక రాజధాని ముంబైలోని జోగిశ్వరి పోలీస్ స్టేషన్‌లో వెలుగుచూడగా ఆ వీడియో ప్రస్తుతం తెగవైరల్‌ అవుతోంది. అయితే, ఉద్దవ్ థాకరే సర్కార్ మాఫియా డాన్‌లను, రౌడీలను పెంచిపోషిస్తుందని.. శివసేన హయాంలో పోలీసులు భారీగా వసూళ్లకు పాల్పడుతూ నిందితులతో స్నేహబంధం కొనసాగిస్తున్నారని కామెంట్ చేశారు. కాగా, పోలీస్‌స్టేషన్‌లో బర్త్ డే వేడుకలు నిర్వహించిన పోలీస్ ఆఫీసర్‌ను ఉన్నతాధికారులు కంట్రోల్ రూంకు అటాచ్ చేశారు. ఈ ఘటనపై డిపార్ట్ మెంటల్ విచారణ చేపట్టాలని డివిజినల్ ఏసీపీ ఆదేశించారు.