ఢిల్లీలో పవన్ పడిగాపులు

దిశ, వెబ్‌డెస్క్: జనసేన అధినేత పవన్ కళ్యాణ్ ఢిల్లీ టూర్ తెలుగు రాజకీయాల్లో ఉత్కంఠ రేపుతోంది. జీహెచ్ఎంసీ ఎన్నికల్లో పోటీనుంచి ఉపసంహరించుకున్న జనసేన, బీజేపీకి మద్దతు తెలిపిన సంగతి తెలిసిందే. ఈ నేపథ్యంలో త్వరలో జరుగబోతున్న తిరుపతి పార్లమెంట్ ఎన్నికల్లో తమకు మద్దతివ్వాలని జనసేన అధినేత పవన్ కళ్యాణ్ ఢిల్లీలో బీజేపీ పెద్దలను కలుస్తున్నట్టు సమాచారం. ఈ టూర్‌లో వపన్ కళ్యాణ్ వెంట నేత నాదేండ్ల మనోహర్ కూడా ఉన్నారు.

అయితే సోమవారం రాత్రే ఢిల్లీ చేరిన పవన్, బీజేపీ అగ్రనేతలను కలిసేందుకు ఎదురుచూపులు చూస్తున్నారు. ఎలాగైనా అమిత్ షా, జేపీ నడ్డాను కలిసిందేకు విశ్వ ప్రయత్నాలు చేస్తున్నారు. నిన్న రాత్రి నుంచి ఎదురుచూస్తున్న కేంద్ర మంత్రుల అపాయింట్‌మెంట్ దొరకడం లేదు. ఈ నేపథ్యంలో ఏపీ బీజేపీ నేతలతో పాటు, జనసేన నేతల్లో కూడా తీవ్ర ఆందోళన నెలకొంది.