నిజామాబాద్ రూరల్‌లో ఘోర రోడ్డు ప్రమాదం.. పంచాయతీ వర్కర్ మృతి

దిశ, నిజామాబాద్ రూరల్: నిజామాబాద్ రూరల్ నియోజకవర్గంలోని డిచ్పల్లి మండలం మెంట్రాజ్ పల్లి గ్రామ 44వ నెంబర్ జాతీయ రహదారిపై సోమవారం సాయంత్రం ఘోర రోడ్డు ప్రమాదం సంభవించింది. ఈ ప్రమాదంలో జక్రాన్ పల్లి మండలం దేవపల్లి గ్రామానికి చెందిన రాపర్తి రాజబాబు (38) అనే వ్యక్తి మృతి చెందాడు.

ఎస్‌ఐ ఆంజనేయులు కథనం ప్రకారం.. మృతుడు రాజబాబు సాంపల్లి గ్రామపంచాయతీ పరిధిలో పనులు ముగించుకుని ఇంటికి తిరిగి వెళ్తున్న క్రమంలో మెంట్రాజ్‌పల్లి గ్రామం వద్ద గల 44వ నెంబర్ జాతీయ రహదారిపై ఎదురుగా వస్తున్న ట్రక్కును రాజబాబు నడుపుతున్న ద్విచక్ర వాహనం వేగంగా వచ్చి ఢీకొట్టింది. ఈ ఘటనలో రాజబాబు తీవ్రగాయాల పాలయ్యాడు. స్థానికుల సమాచారం మేరకు కుటుంబసభ్యులు ఘటనా స్థలికి చేరుకుని రాజబాబును జిల్లా కేంద్రంలోని ప్రైవేటు ఆస్పత్రికి తరలించారు. దాదాపు 4 గంటల పాటు చికిత్స పొందుతూ రాజబాబు మృతి చెందినట్టు ఎస్ఐ ఆంజనేయులు తెలిపారు.