వ్యక్తి ప్రాణాలు బలిగొన్న పెసర కుప్ప..

దిశ, నారాయణఖేడ్ : రోడ్డు పై ఆరబోసిన పెసర కుప్ప ను బైక్ పై దాటుతుండగా ఓ వ్యక్తి బైక్ పైనుండి పడి దుర్మరణం పాలైన సంఘటన నారాయణఖేడ్ మండల శివారులో చోటుచేసుకుంది. హంగిర్గ గ్రామానికి చెందిన బుర్కల నవీన్ (28) అనే వ్యక్తి నారాయణఖేడ్ పట్టణంలో మేస్త్రి పనులు చేస్తుంటాడు. ఈ క్రమంలో శుక్రవారం రాత్రి తన బైక్ పై హంగిర్గ వెళుతుండగా హుక్రానా సమీపంలో రోడ్డు పై పెసర కుప్ప పోసి ఉండడంతో, అక్కడ ఉన్న రాయిపై నుండి బైక్ అదుపు తప్పి పడిపోయింది. దీంతో నవీన్ అక్కడికక్కడే మృతి చెందారని స్థానికులు తెలిపారు. సంఘటన స్థలాన్ని నారాయణఖేడ్ ఎస్సై వెంకట్ రెడ్డి పరిశీలించారు. మృతుడికి భార్య, ముగ్గురు పిల్లలు ఉన్నారు.