ఈ నెల 16న ఎమ్మెల్సీ ఎన్నికల నోటిఫికేషన్

దిశ, వెబ్‌డెస్క్: ఏపీ, తెలంగాణకు సంబంధించిన టీచర్, గ్రాడ్యుయేట్ ఎమ్మెల్సీ ఎన్నికల కోసం ఈ నెల 16 నోటిఫికేషన్‌ వెలువడుతుందని ఎన్నికల కమిషన్ ఉత్వర్వులు జారీ చేసింది. ఈ నేపథ్యంలోనే ఈ నెల 23న నామినేషన్ల స్వీకరణ, మార్చి 14న ఎన్నికలు నిర్వహిస్తున్నట్టు స్పష్టం చేసింది. ప్రస్తుతం ఏపీలో తూర్పు గోదావరి టీచర్ గ్యాడుయేట్ ఎమ్మెల్సీలో రాము సూర్య రావు కొనసాగుతుండగా.. మార్చి 29న రిటైర్డ్ కానున్నారు. అలాగే , కృష్ణా-గుంటూరు ఎమ్మెల్సీ స్థానంలో ఉన్న ఎ.ఎస్ రామకృష్ణ కూడా మార్చి 29తో పదవి కాలం ముగియనుంది. ఇక తెలంగాణలో రంగారెడ్డి-మహబూబ్‌నగర్-హైదరాబాద్ గ్రాడ్యుయేట్ ఎమ్మెల్సీగా బీజేపీ రామచందర్‌ రావు, వరంగల్‌-ఖమ్మం-నల్గొండ గ్రాడ్యూయేట్ ఎమ్మెల్సీగా పల్లా రాజేశ్వర్ రెడ్డి ఉన్న సంగతి తెలిసిందే. వీరి పదవి కాలం ముగుస్తున్న నేపథ్యంలోనే ఎమ్మెల్సీ ఎన్నికలు నిర్వహించేందుకు ఈసీ అన్ని ఏర్పాట్లు చేస్తోంది.