మాళివికకు బర్త్ డే కానుకిచ్చిన ‘మాస్టర్’ టీమ్

మలయాళ బ్యూటీ మాళవిక మోహనన్ వరుస అవకాశాలతో దూసుకుపోతోంది. రజనీకాంత్ ‘పేట’ సినిమాతో వెండితెరకు పరిచయమైన ముద్దుగుమ్మ మాళవిక.. ప్రస్తుతం ఇళయదళపతి విజయ్ ‘మాస్టర్’ సినిమాలో నటిస్తోంది. అప్పటినుంచి ఆమె సోషల్ మీడియాలో హాట్ టాపిక్‌గా మారింది. అయితే ఈ రోజు (ఆగస్టు 4న) మాళవిక పుట్టినరోజు కావడంతో మాస్టర్ టీమ్.. ఓ కొత్త పోస్టర్‌ను విడుదల చేసింది. ఈ పోస్టర్‌లో విజయ్ పుస్తకాల షెల్ఫ్‌కు ఓ వైపు ఉండి.. హెడ్‌ఫోన్స్‌లో ఎవరితోనూ మాట్లాడుతుంటే.. మాళవిక మరో వైపు నిలబడి చిన్నగా అరనవ్వు నవ్వుతోంది. ఆ పోస్టర్‌పై ‘హ్యాపీ బర్త్ డే టూ మాళవిక’ అని చిత్ర బృందం విష్ చేసింది.

స్పెషల్ పోస్టర్ రిలీజ్ చేసినందుకు మాళవిక.. సినిమా యూనిట్‌కు థ్యాంక్స్ చెప్పడంతో పాటు మూవీ పోస్టర్ బాగుందని కితాబిచ్చింది. ఇదిలా ఉంటే, మాళవిక ఇటీవలే ధనుష్‌ పుట్టినరోజు సందర్భంగా ఆయనకు విషెస్ చెప్పడంతో పాటు ధనుష్‌తో కలిసి నటించాలని ఉన్నట్లు ఆమె మనసులోని కోరికను బయటపెట్టింది. దీనికి ధనుష్ వెంటనే ‘ఆ కోరిక త్వరలోనే నెరవేరుతుందని’ రిప్లై ఇచ్చాడు. ధనుష్-43 సినిమాలో హీరోయిన్‌గా మాళవికను తీసుకుంటున్నట్లు ప్రొడ్యూసర్ టీజీ త్యాగరాజన్ త్వరలోనే అధికారికంగా వెల్లడించే అవకాశాలు ఉన్నట్లు తెలుస్తోంది. ఇప్పటికే తన ఫొటో షూట్స్‌తో ఇన్‌స్టాలో హల్ చల్ చేస్తున్న మాళవిక.. ట్రైబల్ లుక్‌లో ఫొటోలు దిగి అందరికీ సర్‌ప్రైజ్ ఇచ్చింది.