మరో వివాదంలో నవజ్యోత్ సింగ్.. ఇమ్రాన్ నాకు పెద్దన్న అంటూ..

దిశ, వెబ్ డెస్క్ : వివాదాల కేరాఫ్ గా నిలిచే పంజాబ్ మాజీ మంత్రి నవజ్యోత్ సింగ్ సిద్దూ మరో సారి వివాదంలో చిక్కుకున్నారు. పాక్ ప్రధాని ఇమ్రాన్ ఖాన్ తో తనకు ఉన్న సంబంధాన్ని సోషల్ మీడియాలో పంచుకోగా.. అదికాస్తా వైరల్ అయి కూర్చుంది. నాకు పాక్ ప్రధాని ఇమ్రాన్ ఖాన్ పెద్దన్న లాంటి వాడూ అంటూ మాట్లాడటంతో సోషల్ మీడియాలో దుమారం రేగింది.

అక్కడితో ఆగకుండా పంజాబ్ లో వాణిజ్య పరిస్థితులు మారాలంటే మాకు పాక్ తో వాణిజ్యం చేసుకోవడానికి అవకాశం ఇవ్వాలని ఏకంగా కేంద్ర ప్రభుత్వాన్ని డిమాండ్ చేశాడు. నిన్న పాక్ లోని గురుద్వారా ను దర్శించుకోవడానికి వెళ్లారు. గురుద్వారా దర్బార్ సాహిబ్ ను దర్శించుకున్న తర్వాత ఈ వ్యాఖ్యలు చేశారు.