Zeeshan: బాబా సిద్ధిఖీ మరణాన్ని రాజకీయం చేయొద్దు.. ఎమ్మెల్యే జీషన్ కీలక వ్యాఖ్యలు

దిశ, నేషనల్ బ్యూరో: మహారాష్ట్రలోని ఎన్సీపీ అజిత్ పవార్ వర్గం నేత బాబా సిద్ధిఖీ హత్యపై ఆయన కుమారుడు, బాంద్రా ఈస్ట్ ఎమ్మెల్యే జీషన్ సిద్ధిఖీ స్పందించారు. తన తండ్రి మరణాన్ని రాజకీయం చేయొద్దని, కుటుంబానికి న్యాయం చేయాలని తెలిపారు. ఈ మేరకు ఆయన గురువారం ఎక్స్‌లో పోస్ట్ చేశారు. ‘బాబా సిద్ధిఖీ పేద ప్రజల అభ్యున్నతికి ఎంతో కృషి చేశారు. వారి జీవితాలను రక్షించేందుకు నిరంతరం పాటు పడ్డారు. ఈ క్రమంలోనే ఆయన తన ప్రాణాలు కోల్పోయారు. ఈ ఘటనతో నా కుటుంబం విచ్ఛిన్నమైంది. నా తండ్రి మరణాన్ని రాజకీయం చేయొద్దు. నా కుటుంబానికి న్యాయం కావాలి. బాబా సేవలను వృథా చేయొద్దు’ అని పేర్కొన్నారు. కాగా, బాబా సిద్ధిఖీని ఇటీవల ముగ్గురు వ్యక్తులు కాల్చి చంపిన విషయం తెలిసిందే.