పండుగ రోజు శ్రీరామ నవమి సైకత శిల్పం వైరల్

దిశ, వెబ్ డెస్క్: ప్రఖ్యాత సైకత శిల్పి సుదర్శన్ పట్నాయక్ మరోసారి వార్తల్లో నిలిచాడు. శ్రీరామ నవమి సందర్భంగా ఇసుకతో శ్రీ రాముడిని అందంగా చెక్కాడు. ఇందుకు సంబంధించిన ఫొటోలు, వీడియోలను పట్నాయక్ సోషల్ మీడియాలో షేర్ చేయడంతో అవి ఇప్పుడు వైరల్ గా మారాయి. పట్నాయక్ చెక్కిన ఈ శిల్పంలో రాముడు కీరీటం ధరించి, భక్తులకు అభయమిస్తూ కనిపించాడు. అదేవిధంగా కింది భాగంలో ప్రస్తుతం నిర్మాణంలో ఉన్న రామ మందిరం దర్శనమిస్తుంది. శ్రీరామ నవమి సందర్భంగా తన కూతరు సాన్వీ పాటతో పూరీ బీచ్ లో తన సాండ్ ఆర్ట్ అంటూ సోషల్ మీడియాలో సుదర్శన్ పట్నాయక్ వీడియోను షేర్ చేశాడు.