BREAKING: అయోధ్యలో శ్రీరాముడి ఊరేగింపు వేడుక రద్దు..

దిశ, వెబ్‌డెస్క్: ఉత్తరప్రదేశ్‌‌లో ప్రతిష్టాత్మకంగా నిర్మిస్తోన్న అయోధ్య రామమందిరం ప్రారంభోత్సవానికి ముస్తాబైంది. ఈ నెల 22వ తేదీన నూతన ఆలయంలో శ్రీ రాముడి ప్రాణప్రతిష్ట కార్యక్రమం జరగనుంది. ఆలయంలో ప్రాణ ప్రతిష్టకు ముందు ఈ నెల 17వ తేదీన రాముడి విగ్రహాన్ని అయోధ్యలో ఊరేగిస్తామని రామ జన్మభూమి తీర్థ క్షేత్ర ట్రస్ట్ తెలిపింది. అయితే, తాజాగా అయోధ్యలో శ్రీరాముడి విగ్రహ ఊరేగింపు వేడుకను రద్దు చేస్తున్నట్లు ఆలయ కమిటీ వెల్లడించింది. భద్రతా కారణాల రీత్యా 17వ తేదీన జరగాల్సిన ఊరేగింపు వేడుకను రద్దు చేస్తున్నట్లు తెలిపారు. రాముడి విగ్రహం ఊరేగింపు కార్యక్రమం లేకుండానే.. నేరుగా ఈ నెల 22వ తేదీన ఆలయంలో విగ్రహా ప్రతిష్టిస్తామని పేర్కొన్నారు. ఇక, అయోధ్య రామమందిరం ప్రారంభోత్సవ వేడుకకు దేశ, విదేశాల నుండి ప్రముఖులు తరలిరానున్నారు. ప్రధాని మోడీ ఆలయాన్ని ప్రారంభించనున్న విషయం తెలిసిందే.