మీ పేరు చివర 'మోదీ కా పరివార్' టాగ్ లైన్ను వెంటనే తొలగించండి: ప్రధాని మోడీ
2024 పార్లమెంట్ ఎన్నికల్లో భాగంగా ప్రధాని మోడీ మద్దతుగా బీజేపీ, జాతీయ వాద నేతలు తమ పేర్ల చివర 'మోదీ కా పరివార్' అనే ట్యాగ్ లైన్ ను ట్విట్టర్, ఫేస్ బుక్, ఇన్ష్టాగ్రామ్ వంటి సోషల్ మీడియా ప్లాట్ ఫామ్లలో రాసుకున్నారు.
దిశ, వెబ్ డెస్క్: 2024 పార్లమెంట్ ఎన్నికల్లో భాగంగా ప్రధాని మోడీ మద్దతుగా బీజేపీ, జాతీయ వాద నేతలు తమ పేర్ల చివర 'మోదీ కా పరివార్' అనే ట్యాగ్ లైన్ ను ట్విట్టర్, ఫేస్ బుక్, ఇన్ష్టాగ్రామ్ వంటి సోషల్ మీడియా ప్లాట్ ఫామ్లలో రాసుకున్నారు. ఎన్నికలు ముగియడంతో ప్రధాని మోడీ.. పేరు చివర 'మోదీ కా పరివార్'ను తొలగించాలని కోరారు. ఇందుకోసం మోడీ తన ట్విట్టర్లో "భారతదేశం అంతటా ప్రజలు తమ సోషల్ మీడియాలో నా పట్ల అభిమానానికి గుర్తుగా 'మోదీ కా పరివార్'ని జోడించారు. నేను దాని నుండి చాలా బలాన్ని పొందాను. భారతదేశ ప్రజలు NDAకి వరుసగా మూడోసారి మెజారిటీని అందించారు. ఇది ఒక రకమైన రికార్డు. మన దేశం అభివృద్ధి కోసం నిరంతరం పని చేయడానికి మాకు ఆదేశాన్ని అందించారు. మనమందరం ఒకే కుటుంబం అనే సందేశాన్ని సమర్ధవంతంగా అందించినందుకు నేను భారతదేశ ప్రజలకు మరోసారి కృతజ్ఞతలు తెలియజేస్తున్నాను. మీరు ఇప్పుడు మీ సోషల్ మీడియా నుంచి 'మోదీ కా పరివార్'ని తీసివేయవలసిందిగా అభ్యర్థిస్తున్నాను. ప్రదర్శన పేరు మారవచ్చు, కానీ భారతదేశం యొక్క పురోగతి కోసం ప్రయత్నిస్తున్న ఒక పరివార్గా మా బంధం బలంగా పగలకుండా ఉంటుందని ప్రధాని మోడీ రాసుకొచ్చారు.