PM Modi: బ్రెజిల్ చేరుకున్న ప్రధాని మోడీ

దిశ, వెబ్‌డెస్క్: బ్రెజిల్‌లో జరిగే జీ20 సమావేశంలో పాల్గొనేందుకు ప్రధాని మోడీ రియో డి జెనెరోకు చేరుకున్నారు. ఈ విషయాన్ని ఆయన ఎక్స్‌లో షేర్ చేశారు. ఆయనకు బ్రెజిల్‌లోని భారత బృందం స్వాగతం పలికింది. సమావేశంలో ప్రపంచ నేతలతో ఫలవంతమైన చర్చల కోసం ఎదురుచూస్తున్నట్లు మోడీ పేర్కొన్నారు. ఇదిలా ఉంటే బ్రెజిల్‌లో జరిగే 19వ జీ20 సదస్సులో ట్రోకా సభ్యునిగా ప్రధాని మోడీ పాల్గొంటారు. బ్రెజిల్, దక్షిణాఫ్రికాతో పాటు భారతదేశం G20 ట్రోకాలో భాగం. ఈ రోజు, రేపు (నవంబర్ 18-19) జరగనున్న శిఖరాగ్ర సమావేశానికి హాజరయ్యే నాయకులలో ప్రధాని మోడీతో పాటు, చైనా అధ్యక్షుడు జీ జిన్‌పింగ్, యూఎస్ అధ్యక్షుడు జో బైడెన్ కూడా ఉన్నారు. ఇక ఆఖర్లో అధ్యక్షుడు మహ్మద్ ఇర్ఫాన్ అలీ ఆహ్వానం మేరకు ప్రధాని మోడీ నవంబర్ 19 నుంచి 21 వరకు గయానాలో పర్యటించనున్నారు. దీంతో  50 ఏళ్ల తర్వాత గయానాలో పర్యటించిన తొలి ప్రధానిగా మోడీ రికార్డులకెక్కనున్నారు.