ఆర్‌సీబీ ఐపీఎల్ ట్రోఫీని గెలిస్తే కేజ్రీవాల్‌కు బెయిల్ వస్తుంది: ఈడీ

దిశ, వెబ్‌డెస్క్: ఢిల్లీ లిక్కర్ స్కాం, మనీలాండరింగ్ కేసులో ప్రస్తుతం ఢిల్లీ సీఎం కేజ్రీవాల్ ఈడీ కస్టడీ అనంతరం తీహార్ జైలుకు తరలించబడ్డారు. కాగా అతను ఇప్పటికే పలుమార్లు బెయిల్ పిటిషన్ వేయగా ప్రతిసారి కోర్టు.. కేజ్రీవాల్ కు షాక్ ఇచ్చిన విషయం తెలిసిందే. కాగా తాజాగా ఈడీ చేసిన వ్యాఖ్యలు సంచలనంగా మారాయి. ఈ ఐపీఎల్ సీజన్‌లో ఘోరపరాజాయాలతో పాయింట్ల పట్టికలో చిట్టచివరిలో ఉన్న ఆర్సీబీ జట్టు ఐపీఎల్ ట్రోఫీని గెలిస్తే.. కేజ్రీవాల్ కు బెయిల్ వస్తుందని ఈడీ వ్యాఖ్యానించినట్లు తెలుస్తుంది. అంటే ఈడీ అర్థం.. ఆర్సీబీ ఐపీఎల్ కప్ కొట్టదు అనేది ఎంత నిజమో.. కేజ్రీవాల్ కు బెయిల్ దక్కదనేది అంతే సత్యం అని అర్థం. కాగా ప్రస్తుతం ఈ కామెంట్స్ పోలిటికల్ వర్గాల్లో తీవ్ర చర్చనీయాంశంగా మారిపోయాయి.