Joe Biden : జో బైడెన్ కంటతడి.. కారణం ఇదే!
అమెరికా అధ్యక్షుడు జో బైడెన్(USA President Joe Biden) కంటతడి పెట్టారు.
దిశ, వెబ్ డెస్క్ : అమెరికా అధ్యక్షుడు జో బైడెన్(USA President Joe Biden) కంటతడి పెట్టారు. ఇటీవల జరిగిన అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థి, మాజీ అధ్యక్షుడు డొనాల్డ్ ట్రంప్(Donald Trumph) విజయం సాధించారు. మరికొద్ది వారాల్లో ఆయన అధ్యక్ష బాధ్యతలు చేపట్టనున్నారు. ఈ క్రమంలో బైడెన్ కంటతడి పెట్టిన వీడియో సోషల్ మీడియాలో వైరల్ గా మారింది. అయితే బైడెన్ కంటతడికి అసలు కారణం ఏమిటంటే.. వెటరన్స్ డే సర్వీస్(Veterans Day Service) కార్యక్రమంలో పాల్గొని, ఆయన కుమారున్నీ తల్చుకొని కన్నీటి పర్యంతం అయ్యారు. సాయుధ దళాల్లో సేవలందిస్తూ అమరులైన వారిని గుర్తు చేసుకుంటూ అమెరికాలో ప్రతిఏటా 'వెటరన్స్ డే సర్వీస్' కార్యక్రమం నిర్వహిస్తారు. తన కుమారుడు, మాజీ డెలావర్ అటార్నీ జనరల్ బ్యూ బైడెన్ కూడాఆ కొన్నాళ్ళు కొన్ని రోజులు ఆర్మీలో పనిచేశాడు. 2015లో గ్లియోబ్లాస్టోమాతో మరణించాడు. కాగా వెటరన్స్ డే సర్వీస్ రోజున అమరులను గుర్తు చేసుకుంటూ 'గాడ్ బ్లెస్ అమెరికా' పాట పాడుతూ బైడెన్ కన్నీళ్ళు పెట్టుకున్నారు. పాట అనంతరం ఆయన కన్నీళ్ళు తుడుచుకున్నారు. ప్రస్తుతం ఈ వీడియో నెట్టింట్లో వైరల్ అవుతోంది.