భారీ వర్షాలు.. కొండచరియలు విరిగిపడి ఏడుగురు మృతి

దిశ, వెబ్ డెస్క్: ఫెంగల్ తుఫాను(Fengal Typhoon) కారణంగా మూడు రాష్ట్రాల్లో భారీ నుంచి అతి భారీ వర్షాలు కురుస్తున్నాయి. ముఖ్యంగా తమిళనాడులోని 15కు పైగా జిల్లాల్లో కురుస్తున్న భారీ వర్షాలకు ప్రజలు అతలాకుతలం అవుతున్నారు. ఈ క్రమంలోనే తిరువణ్ణామలై దేవాలయం వద్ద.. ఒక్కసారిగా కొండచరియలు(landslides) విరిగిపడ్డాయి. దీంతో.. వెంటనే అప్రమత్తమైన సహాయక బృందాలు రంగంలోకి దిగాయి. ఈ ప్రమాదంలో ఒకే కుటుంబానికి చెందిన ఏడుగురు ప్రాణాలు కోల్పోయినట్లు తెలుస్తుంది. వారిలో ఇద్దరి మృత దేహాలను సహాయక బృందాలు వెలికి తీయగా మరికొంతమంది కోసం గాలింపు కొనసాగుతుంది. కాగా ఈ ఘటన అనంతరం కూడా భారీ వర్షం కురవడంతో మరోసారి కొండ దిగువకు కుంగడం ప్రారంభించింది. దీంతో అప్రమత్తమైన అధికారులు కొండ దిగువన ఉన్న గ్రామం మొత్తాన్ని హుటాహుటిన ఖాళీ చేయించి.. సురక్షిత ప్రాంతాలకు తరలించారు.