Chathisghad : నలుగురు నక్సల్స్‌ అరెస్ట్

దిశ, వెబ్ డెస్క్ : ఛత్తీస్‌గఢ్ లోని బీజపూర్ జిల్లా పొండుం గ్రామ సమీప అడవుల్లో నలుగురు నక్సల్స్‌ను బుధవారం పోలీసులు అరెస్ట్ చేశారు. పోలీస్ బృందం యాంటీ నక్సల్ ఆపరేషన్ నిర్వహిస్తున్న సమయంలో.. సుక్కు హప్కా అలియాస్ పులాల్ అలియాస్ పటేల్, మన్ను హప్కా, లచ్చు మాద్వి, కోసల్ మాద్వి అలియస్ గులాబ్ అనే నలుగురు నక్సల్స్ ను పోలీసులు అదుపులోకి తీసుకున్నారు. వీరిలో పటేల్ పులాడి రివల్యూషనరీ కమిటీ నేతృత్వం లోని జంతన్ సర్కార్‌కు అధినేతగా ఉండగా.. కోసల్ సభ్యుడు మిలిషియా డిప్యూటీ కమాండర్‌గా మన్ను ఉన్నాడు. పులాడి ఆర్‌పిసి మిలీషియా సభ్యుడుగా లచ్చు ఉన్నట్టు గుర్తించారు. వీరి నుంచి టిఫిన్ బాంబ్, కార్డెక్స్ వైర్, స్విచ్, ఎక్స్‌కెవేషన్ మెటీరియల్ స్వాధీనం చేసుకున్నారు. వీరిని స్థానిక జైలుకు పంపించామని పోలీసులు పేర్కొన్నారు.