రోజురోజుకు పెరిగిపోతున్న కరోనా.. 24 గంటల్లో 5,233 కొత్త కేసులు..

దిశ, వెబ్‌డెస్క్: కేంద్ర, రాష్ట్ర ప్రభుత్వాలు ఎన్ని చర్యలు తీసుకున్నా కరోనా మాత్రం తగ్గేట్టు కనిపించడం లేదు. మొదటి, రెండో వేవ్‌లో భీకరంగా కేసులు నమోదు అయి ప్రజలను ఉక్కిరి బిక్కిరి చేశాయి. ఆ తర్వాత వచ్చిన ఓమిక్రాన్ వేరియంట్, అలాగే మూడో వేవ్ పెద్దగా ప్రభావం చూపకపోయినా.. కరోనా కేసులు పూర్తిగా తగ్గకుండా చేశాయి. ప్రస్తుతం కరోనా నాలుగో వేవ్ జాడలు పలు రాష్ట్రాల్లో కనిపిస్తున్నాయి. గడిచిన 24 గంటల్లో 5,233 కొత్త పాజిటివ్ కేసులు నమోదయ్యాయి. 3,345 రికవరీ కేసులు, 7 మరణాలు సంభవించగా, కరోనాతో ఇప్పటి వరకు మరణించిన వారి సంఖ్య 5,24,715కి చేరుకుంది. అలాగే ప్రస్తుతం ఇండియాలో 28,857 యాక్టివ్ కేసులు ఉన్నాయి.