Sabarimala:శబరిమలకు పోటెత్తిన అయ్యప్ప భక్తులు

దిశ,వెబ్‌డెస్క్: శబరిమల అయ్యప్ప స్వామి ఆలయానికి భక్తులు పోటెత్తుతున్నారు. స్వాములు దీక్ష విరమణకు భారీగా ధర్మశాస్త్ర సమక్షానికి చేరుకుంటున్నారు. వార్షిక మండల-మకరవిళక్కు పండుగ సందర్భంగా నిన్నటి నుంచి ఆలయ ద్వారాలు తెరుచుకున్న సంగతి తెలిసిందే. రెండు నెలల పాటు అయ్యప్ప భక్తులకు దర్శనం కల్పిస్తారు. వచ్చే ఏడాది జనవరి 15వ తేదీన మకరవిళక్కు పండుగ ముగియగానే ఆలయ ద్వారాలను మూసివేస్తారు. శబరిమల ఆలయం మండల మకరవిళక్కు పూజా కార్యక్రమాల కోసం శుక్రవారం సాయంత్రం 5 గంటలకు ఆలయ తలుపులు తెరవాల్సి ఉండగా.. భారీగా అయ్యప్ప భక్తులు తరలిరావడంతో ఒక గంట ముందే అంటే సాయంత్రం 4 గంటలకే ఆలయాన్ని తెరిచినట్లు ట్రావెన్‌కోర్ దేవస్వమ్ బోర్డు అధికారులు తెలిపారు. ఇక ఈ ఏడాది నిత్యం 80 వేల మందికి దర్శనాలు కల్పించాలని అధికారులు నిర్ణయం తీసుకున్నారు.