Encounter: భారీ ఎన్‌కౌంటర్.. ఐదుగురు మావోయిస్టులు మృతి

దిశ, వెబ్‌డెస్క్/భద్రాచలం: ఛత్తీస్‌ఘడ్‌(Chhattisgarh)లోని నారాయణపూర్ జిల్లాలో భారీ ఎన్‌కౌంటర్(Encounter) జరిగింది. భద్రతా బలగాలు - మావోయిస్టులకు మధ్య శనివారం ఎదురుకాల్పులు చోటుచేసుకున్నాయి. ఈ ఎన్‌కౌంటర్‌లో ఐదుగురు మావోయిస్టులు(Maoists) మృతిచెందారు. మరికొందరికి తీవ్ర గాయాలు అయ్యాయి. ఇద్దరు జవాన్లకు సైతం తీవ్ర గాయాలు అయ్యాయి. టేకుమేట, కాకూర్ అటవీ ప్రాంతంలో ఈ ఎన్‌కౌంటర్ జరిగింది. ఘటనా స్థలంలో పోలీసులు భారీగా ఆయుధాలను స్వాధీనం చేసుకున్నారు. కాగా, ఇటీవల కాలంలో వరుసగా ఎదురుకాల్పులు చోటుచేసుకుంటున్నాయి. ఇవాళ్టి ఘటనతో మరోసారి ఛత్తీస్‌ఘడ్‌లో తీవ్ర ఉద్రిక్త పరిస్థితులు నెలకొన్నాయి. ఎన్‌కౌంటర్‌కు సంబంధించిన పూర్తి వివరాలు తెలియాల్సి ఉంది.