అయోధ్యలో ఘనంగా దీపోత్సవం వేడుకలు.. రెండు ప్రపంచ గిన్నిస్ బుక్ రికార్డులు కైవసం

దిశ, వెబ్ డెస్క్: దీపావళి పండుగను పురస్కరించుకొని.. ఉత్తర ప్రదేశ్ ప్రభుత్వం (Uttar Pradesh govt) ఆధ్వర్యంలో అయోధ్య(Ayodhya)లో సరయూ నది సమీపంలో దీపోత్సవ వేడుకలు నిర్వహించారు. బుధవారం సాయంత్రం సీఎం యోగి ఆధిత్యనాధ్(CM Yogi Adhityanath) ముఖ్య అతిథిగా పాల్గొని ఈ దీపోత్సవం (Dipotsavam) వేడుకలను ప్రారంభించారు. ఈ రోజు సాయంత్రం జరిగిన ఈ దీపోత్సవ వేడుకలు రెండు గిన్నిస్ ప్రపంచ రికార్డులు సృష్టించాయి. అత్యధిక మంది వ్యక్తులు ఏకకాలంలో 'దియా' భ్రమణాన్ని ప్రదర్శించి గిన్నిస్ వరల్డ్ రికార్డ్ సృష్టించారు. అలాగే 25,12,585 దీపాలతో అతిపెద్ద నూనె దీపాల ప్రదర్శించినందుకు మరో గిన్నిస్ రికార్డును నెలకోల్పారు. కాగా ఈ కార్యక్రమానికి గిన్నీస్ బుక్ ఆఫ్ వరల్డ్ రికార్డ్ సభ్యులు హాజరయ్యారు. దీపోత్సవ వేడుకల అనంతరం ఈ వేడుక సాధించిన రెండు రికార్డులను ప్రకటించారు. కాగా ఇదే వేడుకల్లో డ్రోన్ షో భక్తులను ఎంతగానో ఆకట్టుకుంది. అలాగే ఘాట్ కు ఒక కిలో మీటర్ దూరంలో ఏర్పాటు చేసిన బాణాసంచా దృష్యాలు అందరినీ ఆకట్టుకున్నాయి.