నాగబాబు సెటైర్ ఎవరి మీద?

గత వారం వైఎస్సార్సీపీ ఎంపీ విజయసాయిరెడ్డి, జనసేన కీలక నేత, సినీ నటుడు నాగబాబు మధ్య సోషల్ మీడియా వేదికగా మాటల యుద్ధం జరిగిన సంగతి తెలిసిందే. పవన్ కల్యాణ్ చేసిన వ్యాఖ్యలను విజయసాయిరెడ్డి ఎద్దేవా చేయడంతో రంగంలోకి దిగిన నాగబాబు కౌంటర్‌లు ఇస్తూ ఏపీలో రాజకీయ వేడిని పెంచాడు. చిరంజీవి తమ్ముళ్లు కాకపోతే ఎవరు పట్టించుకుంటారని విజయసాయిరెడ్డి అంటే.. వైఎస్ ఆడిటర్ కాకపోయుంటే గొట్టం గాడివని నాగబాబు రిటార్డ్ ఇచ్చిన సంగతి తెలిసిందే. ఈ వివాదం ఒక్కసారిగా సద్దుమణిగింది.

ఈ నేపథ్యంలో నాగబాబు తాజాగా ఒక ట్వీట్ చేశారు. అందులో కేసీఆర్‌ను పొగుడుతూ ఇతర సీఎంలు అంటూ ఒక విమర్శ చేశారు. దానిని ఏపీ సీఎం జగన్ లక్ష్యంగా చేసుకున్న విమర్శలేనని రాజకీయ పరిశీలకులు పేర్కొంటున్నారు. ఇంతకీ ట్విట్టర్ మాధ్యమంగా ఆయన ఏమన్నారంటే… ఇటీవలి కాలంలో కేసీఆర్ సమావేశాలు చూస్తున్నా, ఆయన ప్రసంగాలు వింటున్నా ఎంతో ఆనందం కలుగుతూ, ఆయనపై అభిమానం పెరిగిందని నాగబాబు అన్నారు.

దేశం, రాష్ట్రం అల్లకల్లోలంగా వున్నప్పుడు ప్రజలకి నేనున్నాను అని ధైర్యం చెప్పి సమస్యలని పరిష్కరించే వాడే నిజమైన నాయకుడు. ఏ మాత్రం బాధ్యత లేని కొందరు సీఎం లు ఉన్న దేశంలో కేసీఆర్ గారిలాంటి లీడర్స్ వజ్రాల్లా మెరుస్తారని ప్రశంసల వర్షం కురిపించారు. ఇందులో ఏమాత్రం బాధ్యత లేని సీఎం అన్నది జగన్‌ను ఉద్దేశించి అన్నదేనని వారి అభిప్రాయం.

Tags: nagababu, janasena, twitter, ktr, trs, ys jagan