పవర్‌ఫుల్ జోడిగా ముఖేష్-నీతా అంబానీ

ముంబై: దేశంలోనే పవర్ ఫుల్ జంటగా వ్యాపార దిగ్గజం ముఖేష్ అంబానీ, నీతా అంబానీ జంట మొదటి స్థానంలో నిలిచారు. ఈ విషయాన్ని ఇండియన్ ఇనిస్టిట్యూట్ ఆఫ్ హ్యూమన్ బ్రాండ్స్(ఐఐహెచ్‌బీ) సర్వేలో వెల్లడించింది. ఈ జంటకు 94శాతం ఓటింగ్ వచ్చినట్లు పేర్కొంది. తర్వాతి స్థానాల్లో బాలీవుడ్ క్యూట్ కపుల్ దీపికా పదుకొనే- రణవీర్ సింగ్ (86 శాతం), మూడో స్థానంలో విరాట్-అనుష్క (79 శాతం) నిలిచినట్లు తెలిపింది.

25 నుంచి 40 ఏళ్ల మధ్య వయస్సు గల 1362 స్త్రీ, పురుషులు ఈ సర్వేలో పాల్గొన్నారు. 2019 తర్వాత ఈ ఏడాది ఐఐహెచ్‌బీ సర్వే ఫలితాలను వెల్లడించింది. గతేడాది కరోనా కారణంగా సర్వే నిర్వహించలేదని పేర్కొంది. ఈ ఏడాది బిజినెస్ తరగతుల జంటలకు ఓటర్లు ప్రాధాన్యత కల్పించారని పేర్కొంది. ఆసక్తికరంగా పెళ్లికాక ముందే రణబీర్-అలియా(72 శాతం) జంటకు నాలుగో స్థానం కల్పించారు. ఇక కొత్త జంట విక్కీ కౌశల్- కత్రినా కైఫ్(48 శాతం)‌కు 9వ స్థానం దక్కింది.