విలేజ్ లవ్ స్టోరీ.. రాధామాధవం రిలీజ్ డేట్ ఫిక్స్

దిశ, సినిమా : సినీ ఇండస్ట్రీలో మార్చి లో విడుదలయ్యే సినిమాల సంఖ్య ఎక్కువగానే ఉంది. మార్చి ఒకటిన చాలా సినిమాలు థియేటర్లలో సందడి చేయనున్నాయి. అందులో రాధామాధవం ఒకటి. దాసరి ఇస్సాకు దర్శకత్వంలో తెరకెక్కిన గ్రామీణ ప్రేమ కథ చిత్రం మార్చి ఒకటిన ప్రేక్షకుల ముందుకు రానుంది. కులమతాల అంతరాలు ఓ ప్రేమ జంటకు ఎలా అడ్డంకిగా మారాయి. వారు వాటన్నింటి నుంచి తమ ప్రేమను గెలిపించుకున్నారా లేదా అనేదే ఈ సినిమా కథ. ఇక ఇందులో వినాయక్ దేశాయ్, అపర్ణ దేవి హీరోయిన్లుగా నటించగా, గోనాల్ వెంకటేష్ ఈ మూవీని నిర్మించారు.వసంత్ వెంకట్ బాలా ఈ చిత్రానికి కథ, మాటలు, పాటలను అందించారు.కంప్లీట్ విలేజ్ బ్యాక్‌డ్రాప్‌లో రాధా మాధ‌వం మూవీ తెర‌కెక్కుతోంది. కాగా, మార్చి ఒకటిన రజకార్, ఆపరేషన్ వాలెంటైన్ లాంటి చాలా సినిమాలు విడుదల కానున్నాయి. ఈ క్రమంలో విలేజ్ లవ్ స్టోరీ గా తెరకెక్కుతున్న ఈ మూవీ ప్రేక్షకులను ఏమేరకు ఆకట్టుకుంటుందో చూడాల్సిందే.