Sai Pallavi: నేచురల్ బ్యూటీకి బిగ్ షాక్.. తమిళ ఇండస్ట్రీ బ్యాన్..?.. దుమారం రేపుతున్న న్యూస్

దిశ, సినిమా: నేచురల్ బ్యూటీ సాయి పల్లవి(Sai Pallavi) గురించి ప్రత్యేకంగా చెప్పాల్సిన పనిలేదు. ‘ప్రేమమ్’(Premam) సినిమాతో ఇండస్ట్రీకి ఎంట్రీ ఇచ్చిన ఈ భామ.. ఎన్నో చిత్రాల్లో నటించి స్టార్ హీరోయిన్‌గా రాణిస్తోంది. అలాగే తన అందం, అభినయంతో ప్రేక్షకుల్లో మంచి గుర్తింపు సంపాదించుకున్నది. ఇక సినిమాల్లో మేకప్ వేసుకోకుండా నటించడం, బోల్డ్ సీన్స్‌లో యాక్ట్ చేయకపోవడంతో ఈ ముద్దుగుమ్మ మీద ఇంకా రెస్పెక్ట్ పెరిగిపోయింది. ప్రస్తుతం ‘రామాయణం’(Ramayanam), ‘తండేల్’(Tandel) సినిమాలతో బిజీ బిజీగా ఉంది. అలాగే కోలీవుడ్ స్టార్ శివ కార్తికేయన్(Sivakarthikeyan) సరసన నటించిన ‘అమరన్’(Amaran) మూవీ దీపావళి సందర్భంగా నిన్న థియేటర్లలో విడుదలై హిట్ టాక్‌తో దూసుకుపోతుంది. ఇక ఈ భామ యాక్టింగ్‌కు అయితే ఫుల్ మార్క్సే పడ్డాయి.

ఇదిలా ఉంటే.. సాయి పల్లవి సాధారణంగా వివాదాలకు దూరంగా ఉంటారు. అలాంటిది తొలిసారి ఆమె చేసిన కొన్ని కామెంట్స్ వివాదాస్పదంగా మారాయి. గతంలో ఓ ఇంటర్వ్యూలో సాయి పల్లవి మాట్లాడుతూ..ఇండియన్ ఆర్మీ(Indian Army)ని అగౌరవపరిచేలా కొన్ని కామెంట్స్ చేశారు. సమస్య పరిష్కారానికి హింస కరెక్ట్ కాదు. ఒకప్పుడు చట్టం లేకపోవడంతో యుద్ధాలు చేశారు. ఇప్పుడు ఆ అవసరం లేదు. పాక్ వాళ్ళు ఇండియన్ ఆర్మీని, ఇండియన్ వాళ్లు పాక్ ఆర్మీని టెర్రరిస్టులుగా భావిస్తారని ఆమె చెప్పుకొచ్చారు. అప్పట్లో సాయి పల్లవి చేసిన కామెంట్స్‌ను ఇప్పుడు కొందరు కావాలనే వైరల్ చేస్తున్నారు.

ఈ భామ చేసిన వ్యాఖ్యలపై వారు మండిపడుతున్నారు. ఇండియన్ ఆర్మీని అగౌరవపరిచేలా మాట్లాడిన సాయి పల్లవి పై నెటిజన్లు ఆగ్రహం వ్యక్తం చేస్తున్నారు. ఇక మీదట తమిళ(Tamil) సినిమాల్లో తీసుకోకుండా ఆమెను బ్యాన్(Ban) చేయాలంటూ సోషల్ మీడియాలో పోస్టులు పెడుతున్నారు. అయితే ఈ వివాదంపై సాయి పల్లవి స్పందిస్తూ తాను కావాలని అన్న మాటలు కావని తన ఉద్దేశం వేరే అని వెల్లడించింది. ప్రస్తుతం ఈ న్యూస్ నెట్టింట వైరల్ అవుతోంది.