సీనియర్ నటుడు ధర్మేంద్ర లేవలేని పరిస్థితిలో ఉన్న వీడియో వైరల్.. ఆందోళనలో ఫ్యాన్స్
సీనియర్ నటుడు ధర్మేంద్ర డియోల్‌ గురించి ప్రత్యేకంగా చెప్పాల్సిన పనిలేదు. తన 88 ఏళ్ల వయసులోనూ ఎంతో హుషారుగా కనిపిస్తూ ఉంటాడు.
దిశ, సినిమా: సీనియర్ నటుడు ధర్మేంద్ర డియోల్‌ గురించి ప్రత్యేకంగా చెప్పాల్సిన పనిలేదు. తన 88 ఏళ్ల వయసులోనూ ఎంతో హుషారుగా కనిపిస్తూ ఉంటాడు. సోషల్‌ మీడియాలోనూ అప్పుడప్పుడు కబుర్లు చెప్తూ తనకు సంబంధించిన ఫోటోలు, వీడియోలు కూడా షేర్ చేస్తుంటాడు. ఈ క్రమంలోనే ఈయన షేర్ చేసిన వీడియో చూసిన ఫ్యాన్స్ ఆందోళనలో పడ్డారు. అతనికి ఏమైందని కంగారుపడుతున్నారు.
తాజాగా సీనియర్ నటుడు ధర్మేంద్ర గాయపడ్డ సింహం.. మళ్లీ బిజీ అయిపోయాను అనే క్యాప్షన్‌‌తో ఓ వీడియో షేర్ చేశాడు. ఆ వీడియోలో అతను తన ఫామ్‌ హౌస్‌లో ప్రకృతి నడుమ సేద తీరుతూ చెట్టు కింద కుర్చీ వేసుకుని కూర్చున్నాడు. అందులో అతని కుడి కాలికి పట్టీ వేసి ఉంది. ఇది చూసిన అభిమానులు ఆయనకు ఏమైందని కంగారుపడుతున్నారు. అదేవిధంగా ఆ గాయం త్వరగా మానుకోవాలని ఆకాంక్షిస్తున్నారు.
కాగా ఈయన చివరగా రాకీ ఔర్‌ రాణీకి ప్రేమ్‌ కహాని, తేరి బాటీ ఐసా ఉల్జా జియా అనే సినిమాల్లో కనిపించాడు. ఇకపోతే ధర్మేంద్ర రెండో భార్య హేమమాలిని తాజాగా మధుర నియోజకవర్గం నుంచి ఆమె మూడోసారి ఎంపీగా గెలుపొందింది. దీంతో ఫ్యాన్స్ ఆమెకు శుభాకాంక్షలు తెలియజేస్తున్నారు.