ఓటీటీలో దూసుకుపోతున్న రియల్ క్రైమ్ స్టోరీ.. ఏకంగా 18 దేశాల్లో ట్రెండింగ్..

దిశ, సినిమా: ఈ మధ్య కాలంలో ఓటీటీలోని యదార్థ సంఘటనల ఆధారంగా తెరకెక్కిన చిత్రాలు మంచి క్రేజ్ దక్కించుకుంటున్నాయి. ఈ కోవకు చెందిన అలాంటి చిత్రమే ప్రస్తుతం మోస్ట్ ఆఫ్ ది ట్రెండింగ్ వన్‌గా నిలిచింది. అది మరేంటో కాదు.. ‘ది ఇంద్రాణి ముకర్జియా: బరీడ్ ట్రూత్’. 2015లో దేశవ్యాప్తంగా సంచలనం సృష్టంచిన ఫీనా బోరా హత్య కేసుపై ఈ డాక్యుమెంటరీ (క్రైమ్ సిరీస్) రూపొందిచబడింది. ఉదార్, షానా లెవీ తెరకెక్కించిన ఈ సిరీస్ ఫిబ్రవరి 29 నుంచి ప్రముఖ ఓటీటీ ప్లాట్ ఫామ్ నెట్‌ఫ్లిక్స్‌లో స్ట్రీమింగ్ అవుతోంది.

హిందీతో పాటు తెలుగు, తమిళం, మలయాళ మొదలగు బాషల్లో విడుదలైన ఈ సిరీస్‌కు మంచి ఆధారణ దక్కుతోంది. కేవలం భారత్‌లోనే కాకుండా ఆస్ట్రేలియా, కెనడాతో సహా సుమారు 18 దేశాల్లో ఈ క్రైమ్ థ్రిల్లర్ మూవీ ట్రెండింగ్‌లో ఉంది. అంతే కాకుండా నెట్‌ఫ్లిక్స్‌లో రిలీజ్ చేసిన వారంలోనే ఈ డాక్యుమెంటరీ సిరీస్‌కు 2.2 మిలియన్లకు పైగా వ్యూస్ వచ్చాయి. అలాగే 6.9 మిలియన్ల వాచ్ హవర్స్ దక్కింకోవడంతో పాలు గ్లోబల్ ట్రెండింగ్‌లో టాప్-7 నిలిచింది. మరి ఇంకెందుకు ఆలస్యం మీరు కూడా చూసేయండి.