సుధీర్ బాబు హరోం హర ట్రైలర్ వచ్చేసిందోచ్..

దిశ, సినిమా: జ్ఞాన సాగర్ ద్వారకా దర్శకత్వంలో సుధీర్ బాబు హీరోగా నటిస్తున్న మోస్ట్ అవైటెడ్ మూవీ ‘హరోం హర’. శ్రీ సుబ్రహ్మణ్యేశ్వర సినిమా పతాకంపై సుమంత్ జి నాయుడు నిర్మిస్తున్న ఈ మూవీలో మాళవిక శర్మ కథానాయికగా నటిస్తోంది. ఈ మూవీ 1989లో చిత్తూరు జిల్లా కుప్పం నేపథ్యంలో సాగే పీరియాడికల్ ఫిల్మ్ కాగా, చేతన్ భరద్వాజ్ ఈ మూవీకి సంగీతం అందిస్తున్నారు. అయితే ముందుగా ఈ మూవీని మే 31న రిలీజ్ చేయాలని భావించిన చిత్ర బృందం కొన్ని కారణాల వల్ల వాయిదా పడి జూన్ 14న రిలీజ్ కాబోతోంది.ఈ నేపథ్యంలోనే తాజాగా హరోం హర ట్రైలర్ రిలీజ్ చేశారు. మహేష్ బాబు తన సోషల్ మీడియాలో ఈ ట్రైలర్‌ని విడుదల చేశారు. మీరు కూడా హరోం హర ట్రైలర్‌ని చూసేయండి..