విడుదలకు ముందే 3 లక్షల టిక్కెట్ల అమ్మకాలు.. రికార్డులు క్రియేట్ చేస్తున్న ‘జవాన్’ !

దిశ, సినిమా: బాలీవుడ్ స్టార్ హీరో షారుఖ్ ఖాన్ నటిస్తున్న తాజా చిత్రం ‘జవాన్’. తమిళ స్టార్ దర్శకుడు అట్లీ తెరకెక్కించిన ఈ సినిమాల్లో నయనతార, విజయ్ సేతుపతి, దీపిక పదుకొనె కీలక పాత్రల్లో నటించారు. ఇక సెప్టెంబర్ 7 విడుదలకానున్న ఈ సినిమా అడ్వాన్స్ బుకింగ్ మొదలవగా రికార్డ్ స్థాయిలో అమ్ముడుపోయాయి. తొలిరోజు ఇండియాలో పీవీఆర్, ఐనాక్స్, సినిపోలీస్‌లో భారీగా టికెట్ల అమ్మకాలు జరగగా ఇందులో పీవీఆర్‌లో 90 వేల టికెట్స్, ఐనాక్స్ 60 వేల టికెట్స్, సిని పోలీస్‌లో 30 వేల టికెట్స్ అమ్ముడుపోయాయి. ఇక చైన్ మల్టీప్లెక్స్‌లో 1.75 లక్షల టికెట్లు అమ్ముడుపొగా దేశవ్యాప్తంగా 3లక్షలకు పైగా టికెట్స్ అమ్ముడుపోయాయి. ఇక జపాన్, యూకేలో కూడా భారీ రెస్పాన్స్ కనిపిస్తుంది. యూకేలో మూడు చైన్ థియేటర్స్‌లో 204 లోకేషన్లలో 638 షోలకు 12000 టికెట్స్ బుక్ అయ్యాయి. అలా హిందీలో 9500 టికెట్లు, తెలుగు 1300 టికెట్లు, తమిళం 500 టికెట్లు అమ్మడు పోయాయని ట్రేడ్ వర్గాలు వెల్లడించాయి.