పవన్ కల్యాణ్‌కు వాటితో చేసిన స్పెషల్ ఫస్ట్ గిఫ్ట్.. మాములుగా లేదుగా!

దిశ, సినిమా: గత పదేళ్లుగా రాజకీయాల్లో ఉన్న పవర్ స్టార్ పవన్ కళ్యాణ్ లక్ మారింది. చెమటోడ్చి పని చేస్తూ రెండు సార్లు అసెంబ్లీ ఎన్నికల్లో పోటీ చేసి ఓటమి పాలయ్యారు పవన్. ప్రజలు తనను ఆదరించకపోయినా రాజకీయాల నుంచి వెనక్కి తగ్గలేదు. ఓపికతో ఎదురు చూశాడు. ధైర్యంతో పోరాడాడు. ఇక మూడో సారి కూడా ఎన్నికల్లో పోటీ చేశారు పవన్ కళ్యాణ్. అయితే ఇప్పటికే టీడీపీ, జనసేన, బీజేపీ కూటమిగా గెలవడానికి రెడీ అవుతున్నట్లు సమాచారం. ఇప్పటి వరకు పవన్ కల్యాణ్ లీడ్‌లో ఉన్నాడు. దీంతో ఇప్పటికే సోషల్ మీడియాలో ఆయన గెలుపు ఖాయం అయిపోయిందంటూ ఫ్యాన్స్ రచ్చ చేస్తున్నారు. పవర్ స్టార్‌కు శుభాకాంక్షలు చెబుతూ తెగ పోస్టులు పెడుతున్నారు.

ఈ క్రమంలోనే చిరుధాన్యాలతో మోకా విజయ్ కుమార్ చక్కని చిత్రం తయారు చేశారు. పవన్ కళ్యాణ్ వారాహి వాహనం మీద ప్రచారం చేస్తున్న ఒక ఫోటోని చిరుధాన్యాలతో రెడీ చేశారు. ఈ చిత్రం కోసం అరకలు, రాగులు, సజ్జలు, సామలు వంటి పదార్థాలతో ఈ చిరుధాన్య చిత్రం తయారు చేశారు. కాగా దీన్ని తయారు చేయడానికి 12 రోజులు టైం పట్టిందంట. తన మొత్తం చిత్రాల్లన్నింటిలో కూడా ఎక్కువ టైమ్ తీసుకుని చేసిన చిత్రంగా దీన్ని మోకా విజయ్ కుమార్ తెలిపారు. అదే విధంగా పిఠాపురం నియోజకవర్గం నుంచి పవన్ కళ్యాణ్ కచ్చితంగా గెలుస్తారనే నమ్మకంతోనే ఈ చిత్రం తయారు చేశానని.. పవన్ కళ్యాణ్ గెలవబోతున్న సందర్భంగా ఆయనకు ప్రత్యేకంగా అభినందనలు తెలిపారు మోకా విజయ్.