వైఎస్ జగన్‌ను ఓడించి పవన్ కల్యాణే సీఎం!!.. వేణు స్వామి సంచలన వ్యాఖ్యలు

దిశ, సినిమా: ప్రముఖ జ్యోతిష్యుడు వేణు స్వామి నిత్యం సినీ సెలబ్రిటీలు, రాజకీయ నాయకులపై పలు కామెంట్స్ చేసి సంచలనం సృష్టిస్తుంటాడు. అంతేకాకుండా సంసారాలు, వైవాహిక జీవితాలు పెటాకులు అవడం వంటివి చెబుతూ అందరిని షాక్‌కు గురి చేస్తుంటాడు. అయితే సినిమా హిట్ అవుతాయా లేదా అనేది కూడా చెబుతుంటాడు. అలాగే కొంత మంది హీరోయిన్స్‌కు పరిహార పూజలు కూడా చేశాడు వేణు స్వామి. అయితే ఇటీవల కొన్ని నిజం కాకపోవడంతో అంతా ఆయనను ట్రోల్స్ చేశారు. అయినప్పటికీ అవన్నీ పట్టించుకోకుండా వేణు స్వామి పలు కామెంట్స్ చేస్తూ వార్తల్లో నిలుస్తున్నాడు.

ఈ క్రమంలో.. తాజాగా, ఓ ఇంటర్వ్యూలో పాల్గొన్న వేణు స్వామి షాకింగ్ కామెంట్స్ చేశాడు. ‘‘ పవన్ ఎమ్మెల్యేగా గెలవొచ్చు కానీ సీఎం మాత్రం అయ్యే అవకాశం లేదన్నారు. పవన్ కళ్యాణ్ జాతకంలో సీఎం అయ్యే యోగం లేదని .. రాజకీయాలలో మోసపోతారని వేణు స్వామి అన్నారు. ఈ జోస్యంతో పవన్ అభిమానులకు చిర్రెత్తుకొచ్చి వేణుస్వామిపై ఓ రేంజ్‌లో ట్రోలింగ్‌కు దిగి.. ఆయన సక్సెస్ రేట్ 98 శాతం చెప్పుకుంటారని, కానీ స్వామి చెప్పిన విషయాలు అన్నీ జరుగుతాయనడానికి ఎలాంటి ఆధారాలు లేవంటూ మండిపడుతున్నారు.

అయితే తాజాగా ఈ ట్రోలింగ్ దెబ్బకు బుద్దోచ్చిందో లేక మరేదైనా కారణమో కానీ పవన్ జాతకం విషయంలో వేణుస్వామి మాట మార్చినట్టుగా ఓ వీడియో వైరల్ అవుతోంది. పవన్ కళ్యాణ్ సీఎం అవ్వాలనే కోరిక తనకు కూడా ఉందని, పవన్ అంటే విపరీతమైన పిచ్చి అని చెప్పారు. జగన్మోహన్ రెడ్డిని ఓడించి రేపు పవన్ కళ్యాణ్ సీఎం కావాలని కోరుకుంటున్నానని వేణు స్వామి అన్నారు. ఆ వీడియో ప్రస్తుతానిదో లేదంటే ఆయన గతంలో అన్న మాటలను ఎడిట్ చేసి వీడియోగా మార్చారో కానీ ఇది మాత్రం సోషల్ మీడియాలో వైరల్ అవుతోంది. వేణుస్వామిలో ఎంత మార్పు వచ్చిందేంటి అంటూ నెటిజన్లు కామెంట్స్ చేస్తున్నారు.