మరోసారి పవన్‌ కల్యాణ్‌కి పూనమ్ కౌర్ గట్టి కౌంటర్!.. ఆ హత్యకు లింక్ చేస్తూ పోస్ట్

దిశ, సినిమా: టాలీవుడ్ నటి పూనమ్ కౌర్ ఒకప్పుడు సినిమాలు చేస్తూ ఫుల్ బిజీగా ఉండేది. భాషతో సంబంధం లేకుండా తెలుగు, తమిళం, మలయాళం సినిమాలు చేస్తూ మంచి గుర్తింపు సంపాదించుకున్నది. కానీ ప్రస్తుతం సినిమాలకు దూరంగా ఉంటూ నిత్యం సోషల్ మీడియాలో యాక్టీవ్‌గా ఉంటూ రాజకీయ నేతలపై, సినిమా హీరోలపై, డైరక్టర్లపై వివర్శకంగా కామెంట్స్ చేస్తుంది. అవి కాస్త నెట్టింట చర్చనీయాంశంగా మారేలా చేస్తాయి. గతంలో పలుమార్లు జనసేన అధినేత పవన్ కల్యాణ్‌కు వ్యతిరేకంగా కామెంట్స్ చేసిన విషయం తెలిసిందే. ఈ క్రమంలోనే తాజాగా ఏపీ ఫలితాలు వచ్చిన తర్వాత ఆమె జనసేనాని పవన్ కళ్యాణ్ పై చేసిన కామెంట్స్ నెట్టింట హాట్ టాపిక్ అయ్యాయి.

ఆ వివరాల్లోకి వెళితే.. పూనమ్ కౌర్ జనసేన అధినేత పవన్ కల్యాణ్‌ను టార్గెట్ చేసుకుని ట్విట్టర్‌లో ఓ పోస్ట్‌ను షేర్ చేసింది. సుగాలి ప్రీతి మరణం గురించి ప్రస్తావిస్తూ ఆమె ట్వీట్ చేస్తూ సుగాలి ప్రీతి హత్య జరిగి చాలా కాలం అయిందని..దీనిపై సమగ్ర విచారణ జరిపి వారి కుటుంబానికి న్యాయం చేయాలంటూ పూనమ్ కౌర్ ట్వీట్ చేశారు.

కాగా 2017లో కర్నూల్‌‌లో సంచలనం రేపిన సుగాలి ప్రీతీపై అత్యాచారం చేసి హత్య చేశారు. ఈ ఘటనపై ఆమె తల్లి న్యాయపోరాటం చేసిన ఫలితం లేకుండా పోయింది. అప్పుడు టీడీపీ అధికారంలో ఉన్న ఈ కేసుపై పెద్దగా ఆసక్తి చూపించలేదు. వైసీపీ అధికారంలోకి వచ్చిన తర్వాత కూడా ఈ కేసును పెద్దగా పట్టించుకోలేదు. అయితే ఇటీవల ఎన్నికల ప్రచారంలో పవన్ కల్యాణ్ మాట్లాడుతూ.. సుగాలి ప్రీతి హత్య జరిగితే ఎవరూ స్పందించలేదు కానీ సీఎం జగన్ మీద రాయి వేస్తే మాత్రం ఏదో జరిగినట్టు బాధపడుతున్నారని పవన్ వ్యాఖ్యానించారు. తాజాగా పవన్ వ్యాఖ్యలకు కౌంటర్‌గా హీరోయిన్ పూనమ్ కౌర్ సుగాలి ప్రీతి హత్యకు సంబంధించిన నిందితులను శిక్షించి వారి తల్లికి న్యాయం చేయాలంటూ ట్వీట్ చేశారు. ప్రస్తుతం ఈ వార్త నెట్టింట హల్‌చల్ చేస్తుంది.