అరే ఏంట్రా ఇది..'పుష్ప 2' కపుల్ సాంగ్‌పై ఫన్నీ ట్రోల్.. చూస్తే దిమ్మ తిరగాల్సిందే!

దిశ, సినిమా: ఐకాన్ స్టార్ అల్లు అర్జున్, సుకుమార్ కాంబోలో తెరకెక్కుతున్న బ్లాక్ బస్టర్ మూవీ ‘పుష్ప 2’. అల్లు అర్జున్ సరసన రష్మిక మందన నటిస్తుంది. అయితే ఈ మూవీ ఆగస్టు 15న థియేటర్లలో రాబోతుండగా దాని కోసం ప్రేక్షకులంతా ఈగర్‌గా వెయిట్ చేస్తున్నారు. ఇప్పటికే పుష్ప 2 నుంచి రిలీజైన ఓ గ్లింప్స్, ఓ సాంగ్ కూడా బాగా ఆకట్టుకోవడంతో బన్నీ సినిమాపై భారీ అంచనాలు పెరిగాయి. పుష్ప.. పుష్ప సాంగ్ బాగా వైరల్ కూడా అయింది.

ఇటీవల సెకండ్ సాంగ్ ప్రోమో కూడా రిలీజ్ చేసిన మేకర్స్ అందులో రష్మిక.. సూసేటి అగ్గి రవ్వ మాదిరి ఉంటాడె నా సామి... అంటూ పాడే కపుల్ సాంగ్ గురించి తెలిపారు. దీంతో ఈ పాట కోసం ఇటు బన్నీ ఫ్యాన్స్, అటు రష్మిక ఫ్యాన్స్ ఎదురు చూస్తుండగా రీసెంట్‌గా పుష్ప 2 సినిమా నుంచి సెకండ్ సాంగ్ కూడా రిలీజ్ చేశారు మేకర్స్.

ఇదిలా ఉండగా సోషల్ మీడియాలో రీసెంట్ గా ‘బటర్ ఫ్లై, బటర్ ఫ్లై’ అంటూ వచ్చిన ఓ ఫన్నీ సాంగ్ ఎంత వైరల్ అయిందో తెలిసిందే. అయితే తాజాగా రిలీజైన పుష్ప 2 కపుల్ సాంగ్ లోని బన్నీ, రష్మిక వేసిన స్టెప్స్ ని బటర్ ఫ్లై బటర్ ఫ్లై సాంగ్ తో ఎడిట్ చేయగా ఈ సాంగ్ కి బన్నీ, రష్మిక డాన్స్ కి సరిగ్గా మ్యాచ్ అయింది.దీంతో ఈ వీడియోను ఓ మీమర్ సోషల్ మీడియాలో పోస్ట్ చేయడంతో అది కాస్తా వైరల్ గా మారింది. ఇక ఈ వీడియోను చూసిన నెటిజన్లు తెగ నవ్వుకుంటున్నారు. ఇక బన్నీ ఫ్యాన్స్ అయితే అరే ఏంట్రా ఇది.. అసలు ఎవర్రా మీరంతా, అలా ఎలా ఎడిట్ చేశార్రా అంటూ ఫన్నీగా కామెంట్లు చేస్తున్నారు. మరి ఆ వీడియోపై మీరు ఓ లుక్కేయండి..