అందమైన ప్రేమకథతో హీరోగా ఎంట్రీ ఇవ్వనున్న జబర్దస్త్ కమెడీయన్!

దిశ, వెబ్‌డెస్క్ : జబర్దస్త్ కమెడియన్ ఇమ్మానుయేల్ గురించి ప్రత్యేకంగా చెప్పాల్సిన పని లేదు. ఆయన తన కమెడీతో ఎంతో మంది అభిమానులను సంపాదించుకున్నాడు.ఇక ప్రస్తుతం ఈయన ఓ అందమైన పల్లెటూరి ప్రేమ కథతో హీరోగా పరిచయం కాబోతున్నాడంట. ప్రేమ వాలంటీర్ అనే వెబ్ సిరీస్‌తో ఇమ్మానుయేల్ హీరోగా ప్రేక్షకుల ముందుకు వస్తున్నాడు.

ఈ వెబ్ సిరీస్ కి జబర్దస్త్ బాబు రచన దర్శకత్వం వహిస్తుండగా.. ఇమ్మానుయేల్ కి జోడిగా విజయ విజ్జు నటించింది. ఇక ఇందులో పుష్పమ్మ, రాజు తాత ,మహేష్, మార్క్ , జయరాం, దివాకర్, అనూష, గోపి తదితరులు కీలకపాత్రను పోషిస్తున్నారు. వెంకీ వీణ పాటలు నేపథ్య సంగీతం స్వరపరచగా, హేమంత్ చిన్నోడా సినిమా ఆటోగ్రఫీ అందించినట్లు సమాచారం. ఇక ఈ వెబ్ సిరీస్ కి సంబంధించిన ట్రైలర్ ను ఇమ్మానుయేల్ నిన్న రాత్రి విడుదల చేశారు. ఇందులో ఇమ్మానుయేల్ గ్రామ వాలంటీర్ గా కనిపించాడు. అదే గ్రామంలోని అమ్మాయిని ప్రేమలో పడేసే ప్రేమ వాలంటీర్ గా మారిపోయాడు. ఇక  రీసెంట్‌గా విడుదలైన ఈ ట్రైలర్ ప్రేక్షకులను ఎంతగానో ఆకట్టుకుంటుంది. కాగా, ఈ వెబ్ సిరీస్ తో ఇమ్మానుయేల్ ఎలాంటి సక్సెస్ అందుకుంటారో చూడాలి.

Read More:  తండ్రి కాబోతున్న యంగ్ హీరో Sharwanand?