యాంకర్ రష్మీ గౌతమ్‌ను అంత మాట అనేసిన యువ హీరో!.. షాక్‌లో నెటిజన్లు

దిశ, సినిమా: జ్ఞాన సాగర్ ద్వారకా దర్శకత్వంలో సుధీర్ బాబు హీరోగా నటిస్తున్న మోస్ట్ అవైటెడ్ మూవీ ‘హరోం హర’. శ్రీ సుబ్రహ్మణ్యేశ్వర సినిమా పతాకంపై సుమంత్ జి నాయుడు నిర్మిస్తున్న ఈ మూవీలో మాళవిక శర్మ కథానాయికగా నటిస్తోంది. ఈ మూవీ 1989లో చిత్తూరు జిల్లా కుప్పం నేపథ్యంలో సాగే పీరియాడికల్ ఫిల్మ్ కాగా, చేతన్ భరద్వాజ్ ఈ మూవీకి సంగీతం అందిస్తున్నారు. అయితే ముందుగా ఈ మూవీని మే 31న రిలీజ్ చేయాలని భావించిన చిత్ర బృందం కొన్ని కారణాల వల్ల వాయిదా పడి జూన్ 14న రిలీజ్ కాబోతోంది. ఈ నేపథ్యంలోనే మూవీ ప్రమోషన్స్ జోరుగా సాగుతున్నాయి.

అయితే తాజాగా సుధీర్ బాబు హరోం హర మూవీ ప్రమోషన్లలో భాగంగా శ్రీదేవి డ్రామా కంపెనీ షోలో పాల్గొన్నారు. కాగా దీనికి సంబంధించిన లేటెస్ట్ ప్రోమో రిలీజ్ చేశారు. అందులో గెస్ట్ గా హాజరైన సుధీర్ బాబును రష్మీ వేదికపైకి ఆహ్వానించింది. ఆ తర్వాత గతంలో సుధీర్ బాబు నటించిన ప్రేమ కథా చిత్రం మూవీని గుర్తు చేస్తూ ఓ చిన్న పాప సుధీర్ బాబుని చూసి దెయ్యం ఎక్కడ అని ప్రశ్నించింది. వెంటనే సుధీర్ బాబు పర్ఫెక్ట్ టైమింగ్‌తో ఒక దెయ్యం ఇక్కడ ఉంటే మరో దెయ్యం రాదమ్మా అంటూ కామెంట్ చేశాడు. వెంటనే రష్మీ ఎక్కడో నేను బుక్ అయ్యాను అనిపిస్తోంది అంటూ అనుమానం వ్యక్తం చేసింది. నేనేం అనలేదు మీరే ఫీల్ అయ్యారు అంటూ సుధీర్ బాబు పంచ్ వేశాడు. దీంతో ఎప్పటిలాగే రష్మీ పంచ్ వేయించుకున్న ఎక్స్ప్రెషన్ పెట్టి అందరిని నవ్వించింది. కాగా ఈ లేటెస్ట్ ఎపిసోడ్ జూన్ 2న ఆదివారం రోజు ప్రసారం కాబోతుంది.