టెక్ స్మార్ట్ ఐటీ  కార్యాలయాన్ని ప్రారంభించిన ఎమ్మెల్సీ కవిత 

దిశ, ఉప్పల్: ఉప్పల్ లో ఏర్పాటు చేసిన డీఎస్ఎల్ అబాకస్ ఐటీ పార్క్ లో సాలిగ్రామ్ టెక్ స్మార్ట్ ఐటీ కార్యాలయాన్ని శనివారం ఎమ్మెల్సీ కల్వకుంట్ల కవిత ప్రారంభించారు. అనంతరం మాట్లాడుతూ.. తెలంగాణలో ఐటీ రంగాన్ని అభివృద్ధి చేసేందుకు ప్రభుత్వం తగిన చర్యలు తీసుకుంటుందన్నారు. హైదరాబాద్ నగరం ఐటీ రంగంలో దేశంలో నెంబర్ వన్ గా నిలిచిందన్నారు. కంపెనీ స్థాపించి అనేక మంది యువతకు ఉపాధి కల్పిస్తున్న సాలిగ్రామ్ & టెక్ స్మార్ట్ ఐటీ కంపెనీ యాజమాన్యాన్ని ఎమ్మెల్సీ కవిత అభినందించారు. ఈ కార్యక్రమంలో ఉప్పల్ ఎమ్మెల్యే బేతి సుభాష్ రెడ్డి తో పాటు పలువురు కార్పొరేటర్లు తదితరలు పాల్గొన్నారు.