కడపలో ‘ఆపిల్’ తయారీ సంస్థ

దిశ, వెబ్‌డెస్క్: ప్రముఖ మొబైల్స్ సంస్థ ‘ఆపిల్’ తమ తయారీ యూనిట్‌ను ఆంధ్రప్రదేశ్‌లో ప్రారంభించేందుకు సన్నహాలు చేస్తోందని ఏపీ పరిశ్రమల శాఖ మంత్రి మేకపాటి గౌతమ్ రెడ్డి మంగళవారం ఓ ప్రకటనలో వెల్లడించారు. తయారీ యూనిట్‌ను కడపలోని కొప్పర్తి పారిశ్రామిక ఏరియాలో నిర్మించనున్నట్టు తెలిపారు. ఆపిల్ కంపెనీకి చైనాలో ఆరు తయారీ యూనిట్స్ ఉన్నాయని తెలిపారు.

అక్కడ ఒక్కో తయారీ యూనిట్‌లో లక్ష నుంచి ఆరు లక్షలమంది ఊడిగం చేస్తున్నారని అన్నారు. అదే తరహా మోడల్‌ను కడపలో నిర్మించడానికి ఆపిల్ సంస్థతో సంప్రదింపులు జరుపుతున్నామని స్పష్టం చేశారు. కడపలో నిర్మించబోయే తయారీ యూనిట్ ద్వారా దాదాపు యాభైవేల మందికి ఉద్యోగ అవకాశాలు లభిస్తాయన్నారు. దాదాపుగా ఈ ప్రాజెక్ట్ ఇప్పటికే ఫైనల్ అయ్యిందని..త్వరలోనే వివరాలు వెల్లడిస్తామన్నారు.