ప్రేమ విఫలమై మెడికల్ విద్యార్థి ఆత్మహత్య

దిశ, సిద్దిపేట: ప్రేమ విఫలమై మెడికల్ స్టూడెంట్ ఆత్మహత్యకు పాల్పడిన సంఘటన సిద్దిపేట జిల్లా కేంద్రంలో చోటుచేసుకుంది. పోలీసులు తెలిపిన వివరాల ప్రకారం సిద్దిపేట ప్రభుత్వ మెడికల్ కళాశాలలో ఎంబిబీఎస్ మొదటి సంవత్సరం చదువుతున్న మేగవత్ సంతోష్ అనే యువకుడు గత కొంత కాలంగా ఒక అమ్మాయిని ప్రేమిస్తున్నాడు. అయితే ఈ మధ్యనే అతని ప్రేమ విఫలమయ్యింది. దీంతో మనోవేదన చెందిన సంతోష్ గురువారం ఉదయం తన హాస్టల్ రూమ్ లో ప్యాన్ కు ఉరి వేసుకొని ఆత్మహత్యకు పాల్పడ్డాడు. తన చావుకు ప్రేమ విఫలమే కారణమని తెలుపుతూ సూసైడ్ నోట్ రాసి మృతి చెందాడు. సంఘటన స్థలానికి పోలీసులు చేరుకొని కేసు నమోదు చేసుకొని శవపంచనామా నిమిత్తం మృతదేహాన్ని పోస్టుమార్టం నిమిత్తం సిద్దిపేట ప్రభుత్వ ఆసుపత్రికి తరలించారు.