ఆ కోర్సు ప్రవేశాలకు కాళోజీ యూనివర్సిటీ గ్రీన్ సిగ్నల్

దిశ, తెలంగాణ బ్యూరో: మాస్టర్‌ ఆఫ్‌ పబ్లిక్‌ హెల్త్‌ (ఎంపీహెచ్‌) కోర్సులో 2021 – 22 ప్రవేశాలకు కాళోజీ నారాయణ రావు ఆరోగ్య విజ్ఞాన విశ్వవిద్యాలయం శనివారం నోటిఫికేషన్‌ జారీ చేసింది. దీని ద్వారా ఇండియన్‌ ఇనిస్టిట్యూట్‌ ఆఫ్‌ పబ్లిక్‌ హెల్త్‌ కళాశాలలో ప్రవేశాలు కల్పించనున్నారు. ఈ నెల 30 వ తేదీన ఉదయం 10 గంటల నుంచి సెప్టెంబర్ 13వ తేదీ సాయంత్రం 5 గంటల వరకు ఆన్‌లైన్‌లో అప్లై చేసుకోవచ్చు. ధ్రువపత్రాల పరిశీలన అనంతరం ప్రవేశ పరీక్ష అర్హుల జాబితాను వెబ్‌సైట్‌లో ప్రదర్శించి పరీక్షను ఆన్‌లైన్‌లో నిర్వహించనున్నట్లు వెల్లడించారు. హాల్ టికెట్లను సెప్టెంబర్ 17వ తేదీ నుంచి డౌన్‌లోడ్ చేసుకోవచ్చని, పరీక్ష సెప్టెంబర్ 19వ తేదీ మధ్యాహ్నం 3.00 గంటల నుంచి 4 .30 గంటల వరకు ఉంటుందని నోటిఫికేషన్ స్పష్టం చేసింది. అభ్యర్థులు గంట ముందు పరీక్షా కేంద్రాలకు చేరుకోవాలని సూచించారు. తదితర వివరాలను www:knruhs.telangan.gov.in వెబ్‌సైట్‌లో చూడవచ్చని యూనివర్సిటీ వర్గాలు ప్రకటనలో తెలిపాయి.